Adamlıq barədə

Elşən Muhərrəm

Nə oruc tutandır, nə qılar namaz,

Gəl amma möminə edər etiraz.

Çəkib qulaqına qoyasan qapaz,

Adam ol deyəsən, adam ol adam!

Məşədi, kəbleyi və yaxud hacı

Deyəndə birinə baxacaq acı.

Dərdinin olarsa bu söz əlacı,

Adam ol deyəsən, adam ol adam!

Görəndə hicablı bir xanım əgər

O ulaq dodağın sağ-sola əyər.

Tutasan şallağı vura-vura hər

Adam ol deyəsən, adam ol adam!

Deyir ki, içkili masamda otur,

Deyirsən bu yerlər günahda tutur.

Olmusan radikal deyərkən qotur,

Adam ol deyəsən, adam ol adam!