“Kommersant”ın müxbiri Aleksandr Çernux Laçın şəhərində rastlaşdığı ermənilərin söhbətini yazır

– Adi insanlar günahkar deyil! Dövlət günahkardır! – digər yaşlı kişi əsəbləşir. – Saratova bacımı ziyarətə gedəndə, bilirsiniz orada neçə azərbaycanlı dostlarımla görüşürəm?

O təntənəli şəkildə əlindəki ən adi təraş maşınkasını bizə göstərir:

– Bilirsən bunu kim mənə verib? Azərbaycanlı verib, and olsun sənə! Dostum Saratova gəlmişdi. Mənə baxıb demişdi: qardaş, niyə saçını qırxmırsan? Bütün marketi gəzdi və mənə bir təraş maşınkası, bir ülgüc aldı… On beş il əvvəl olub bu hadisə. Mən hələ də bir azərbaycanlının verdiyi təraş maşınkası ilə qırxıram saçımı. İndi yoxdu, ölüb… Onu heç vaxt unutmayacağam.