Həmin müsahibədən maraqlı fikirləri sizə təqdim edirik.
“Brüssel görüşündən müsbət heç nə gözləmək olmaz. Brüssel ABŞ-ın bir növ yamağıdır. Əgər Avropa İttifaqı, ABŞ sərhədlərin müəyyənləşdirilməsini, kommunikasiyaların açılmasını istəsəydilər bunun üçün əməli tədbir görərdilər. Müharibə bitən kimi Ermənistana 2,6 milyard avro ayırıb onun mövqeyinin möhkəmlənməsinə rəvac verməzdilər. Əraziləri dağılan Azərbaycana isə 1 avro belə yardım etmədilər”.
***
“Putin Paşinyanı Soçi görüşünə dizin-dizin süründürüb gətirdi və lazım olan şərtləri qəbul etməyə məcbur elədi”.
***
“Putin Soçi görüşündəki çıxışlarında məhz İlham Əliyevlə apardığı danışıqlara və Əliyevin mövqeyinə istinad edirdi. Bu o deməkdir ki, Rusiya üçün Azərbaycanın mövqeyi önəmlidir”.
***
“Paşinyan Soçi görüşünün 9 noyabrda keçirilməsi planını pozmuşdu. Putin buna görə onu cəzalandırdı və zorla Soçi görüşünə gətirdi. Putin həm öz imzasına hörmət edən adamdır, həm də belə şeyləri bağışlayan adam deyil”.
***
“Putin Azərbaycanın qələbəsində payı olan, əziyyəti olan adamdır”.
***
“Brüssel uzun illər ərzində Qarabağ münaqişəsinin həll edilməsi istiqamətində bir dəfə əlini tərpədib hərəkət eləmədi. İndi xeyirdimi ortalığa düşüblər?”
***
“Azərbaycan tərəfinin Brüsseldən heç bir gözləntisi yoxdur. Çünki Qərb Qarabağ məsələsində həmişə qeyri-konstruktiv mövqe nümayiş etdirib”.
***
“Qərb Qarabağ münaqişənin ədalətli həll edilməsinə heç bir töhvə verməyib. Əksinə Ermənistanın haqsız mövqeyini dəstəkləyib, ona külli miqdarda maddi yardımlar edib”.
***
“Qərb həmişə Azərbaycana qarşı qərəzli mövqe nümayiş etdirib və indi də bu mövqeyindən əl çəkmək fikrində deyil. İndi onlar bizə başlanğıc nöqtəyə qayıtmağı və hər şeyi sıfırdan başlamağı təklif edirlər. Ona görə də Brüssel görüşündən müsbət heç nə gözləməyin”.
***
“Müharibə bitən kimi Qərb Ermənistana 2,6 milyard avro ayırıb onun mövqeyinin möhkəmləndirməyə çalışdı. Əraziləri dağılan Azərbaycana isə 1 avro belə yardım etmədilər”.
Комментариев нет:
Отправить комментарий