Mehriban Əliyeva:“Yola saldığımız il bir neçə böyük qələbələrlə yadda qalacaq”

APA-nın xəbərinə görə, bunu “Buta” sarayında uşaq evlərində və internat məktəblərində təlim-tərbiyə alan, kimsəsiz və valideyn himayəsindən məhrum, təhsildə xüsusilə fərqlənən uşaqlar üçün keçirilən Yeni il şənliyindəki çıxışı zamanı Azərbaycanın birinci xanımı, Heydər Əliyev Fondunun prezidenti, millət vəkili Mehriban Əliyeva deyib.
M. Əliyeva bildirib ki, “Eurovision-2011” müsabiqəsindəki qələbə bütün Azərbaycan xalqını sevindirib: “Bizim iki gənc ifaçımız Azərbaycana bu qələbəni qazandırdı. Bütün Avropa bizə səs verdi. Bu, Azərbaycanın böyük qələbəsidir. Gələn il “Eurovision” mahnı müsabiqəsi ölkəmizdə keçiriləcək və mən əminəm ki, bu, gözəl bir bayrama çevriləcək”.
M. Əliyeva deyib ki, ötən il ölkənin həm ictimai, həm də siyasi həyatında da nailiyyətlərlə yadda qalıb.