21.06.2017

Ruh da danışarmış

Ömür Yazar

Sənin gedişinə nə ağlamağım, 
İnan mənə, nə də gülməyim gəlir.
Nifərtlə dünyada yaşamaqdansa,
Elə bir dəfəlik ölməyim gəlir.

Yalanlar, doğrular qarma-qarışıq,
Görən hansı ilə barışmalıyam?
Bu çivisi çıxmış lənət həyata,
Mən sürünərəkmi alışmalıyam?

Nə gəlişim asan, nə də gedişim,
O qədər ruhsuzam ölənlər kimi. 
Sənə qayıt desəm nə dəyişəcək,
Qədir-qiymətini bilənlər kimi.

Bəxtimi qələmə alsaydım əgər,
Vərəq yırtılaraq üsyan edərdi,
Canımı Allaha tapşırsaydım mən,
Ruhum baş götürüb çıxıb gedərdi.

Комментариев нет:

Отправить комментарий