UNUDA BİLMİRƏM...

Mirzə Sakit

Unuda bilmirəm o gecələri

əyləşib üz-üzə

baxıb göz-gözə...

açardıq səhərin dan ulduzunu.

Buludlar örtərdi hərdən

göy üzün,

küsərdik arada

biz danışanda,çəkilərdi bulud

biz barışanda.

Unuda bilmirəm o gülüşləri

kədərə dost olan o gözlərində

hərdən xoşbəxtliyin

izin tapırdım

bəzən də itirib o gülüşləri,

elə xoşbəxtliyin özün tapırdım.

Unuda bilmirəm o nəğmələri

divanə aşiq tək coşurdum hərdən

özüm də bilmirdim

nə oxuyurdum....

Unuda bilmirəm şirin kəlməni

mən sənə deyəndə

mənim pirimsən....

sevgiylə deyirdin : - sən şairimsən

mən sənə deyəndə

ilk nübarımsan

sevərək deyirdin : - sağ ol ki varsan

Unuda bilmirəm göz yaşlarını

qəlbimin naləsin necə

duyurdu

axıb dağ çayı tək...kipriklərini

gündüz sığallayb gecə yuyurdu...

süzülüb göz yaşın baxışlarıma,

hərdən qarışırdı

göz yaşlarıma...

Unuda bilmirəm unutqanlığı

bu gün sevdiyinə sevirəm - deyib,

sabah da unutmaq

güvənlik deyil

mən səni sevəcəm ulduzlar kimi

sənə yalan demək

bu mənlik deyil...