02.03.2015

İndi niyə o dəlilikləri etmirsən?

Feysbukda paylaşılan ən qalmaqallı fikirlər -11

Ədalət Abdinov: Milli iradənin təmsilçisi sayılan millət vəkilliyi pulla satılan, seçim imkanları saxtalaşdırılan, bayrağı neft şirkətində işləyən hansısa ingilis tərəfindən tapdalanan, torpağının 20 faizi işğal altında olduğu halda Milli Qəhrəman ünvanı hərraca çıxarılan, ordusu müəmmalı əsgər ölümləriylə çalxalanan, şəhid ailəsinin, pensiyaçısının dilənçi payı qədər az təqaüdü mənimsənən, korrupsiyanın, rüşvətin tüğyan etdiyi ölkənin hansı dövlət müstəqilliyindən danışılır, anlaya bilmirəm.
Orxan Həbibaşvili: Ermənıstanı Azərbaycanla lənətə gəlmiş osmanlı höküməti düşmən etdi.
Ceyhun Salahov: Rusiyada azərbaycanlıların bir-birlərinə verdikləri ən məhşur nəsihət: “Millətdən uzağ dur!”
Məhəmməd Əsgərov: Hərdən elə bilirəm ki, sovet ölkəsini müvəqqəti tərk etmişəm... Həyatım- uşaqlığım və yeniyetməliyimin ilk illəri bu dövrdə keçib, çox şeyləri həsrətlə arzulayıram.
Mətləb Pero: Azərbaycan sionizmin “dirijorluğu” ilə Türkiyənin işğalındadır.
Vüqar Məmmədov: Rusiya ilə bir ittifaqa girmək Azərbaycan xalqının işıqlı gələcəyidir. Avrasiyaçılıq haqqın yoludur. Bu yol insanlıgın, doğrulugun, xeyirin yoludur. Mənəviyyatln yoludur.
İlqar Salmanov: Bir ovuc vəhşi yəhudi uşaq-böyük, günahlı-günahsız demədən müsəlmanların qanını içir. ABŞ-ın (Aləmin Böyük Şeytanı) məşhur CNN kanalı da bu vəhşilikdən reportaj verən əməkdaşını işdən qovur. Bəs deyirdilər CNN dünyada müstəqil medianın simvoludur? Nə bilim, nə zibiliskidir...
Samir Polad: Bu gün Biləsuvarda şadlıq evlərindən birində toy mərasimidir. Musiqi və içki yoxdur. Maraqlısı budur ki, oğlan toyudur və toyda bəy də yoxdur. Bəy cəbhədə gizirdi, öz toyunda iştirak etməməsi şəhidlərin ruhuna hörmətsizlik olacağını düşünməsidir. Komandir icazə versə də, gizir Mehman İsayev bölüyünü tək qoymağı şərəfinə sığdırmayıb.
Ramzan Kadırov: Biz 10 minlərlə vəhhabini Çeçenistanda məhv etdik, baş qaldırdıqları başqa yerlərdə də məhv edəcəyik! Biz dünyanı bu cür əclaflardan təmizləməyi özümüzə xoşbəxtlik bilirik.
Misir Əsgərov: Gənclər arasında stalinizm və şiəçilik təbliğ edilməlidir. Stalinçi siyasi baxış + şiə etikası = haqq yol.
Hafiz Hacıyev: Bu gün Azərbaycanda böyük inkişaf gedir. Bu da mənim qardaşımın gördüyü işlərin nəticəsidir. Fərqi yoxdu ya mən, ya qardaşım. İkimizdən biri prezident olmalıydı. Mən buna sevinirəm və mənəvi və siyasi cəhətdən hər zaman ona dayağam. Heç vaxt imkan vermərəm ki, kimsə qaradaşıma zərrə qədər zərər gətirsin. Mənim məqsədim qaradaşımın balaların pis insanlardan qorumaqdır. Ona hər zaman dəstək oluram. Biz ikimizdə canımızı xalqın yolunda qoymuşuq.
Aleksandr Duqin: Biz Amerikanyönümlü siyasәtin hәr tәrәfdә uğursuzluğa sәbәb olduğunu görürük.
Arzu Abdulla: Bu günlərdə Türkiyənin ən nüfuzlu media orqanları Azərbaycan Dövlət Neft Şirkətinin (SOCAR) Türkiyənin Qalatasaray futbol klubuna 20 milyonluq yardımından yazdı. Azərbaycana mənsub olan dövlət şirkəti (özəl deyil) ölkə əhalisinin sosial-mədəni qayğılarına deyil, qonşu ölkənin futbolunun inkişafına ağlasığmaz məbləğdə vəsait ayırır.
Mətləb Mütəllimli: İsgəndər Həmidov, səni tanıyanlar yaxşı bilirlər ki, sən vəzifəyə keçəndən sonra gözün ayağının altını görmürdü, vəzifənə, general paqonuna, Cəbhə hakimiyyətinin adına yaraşmayan özbaşınalıqlara, xuliqanlıqlara yol verirdin. Bir çox hallarda sən özünü idarə edə, ağzının danışığını bilməyən birisən və bu xüsusiyyətlərin də vaxtilə Xalq Cəbhəsi hakimiyyətinin nüfuzuna böyük zərbələr vururdu. İndi səlahiyyətlərin əlindən alınandan sonra niyə o dəlilikləri etmirsən, butulka atmırsan, jurnalistləri “bağaj”a soxmursan, televiziyaya hücum etmirsən, hakimiyyətin öz xalqına qarşı sərgilədiyi ədalətsizliklərə qarşı mübarizə aparmırsan? Sən indi bu rejimə qarşı mübarizə aparmaq əvəzinə, başqalarının ünvanına tərbiyəsiz, qanacaqsız, mərifətsiz ifadələr işlədirsən. Bir də bilirsən ki, Cəbhə dövründən fərqli olaraq, indi törədəcəyin xuliqanlıq əməlləri, ərköyünlük cavabsız qalmayacaq, məhz ona görə də “siyasətdən getmisən”.
Kamal Yaşar: Əziz və çox hörmətli çağdaş Azərbaycan ədəbiyyatının ənkə böyüyü Şərif Ağayar cənabları.  Düşünürəm ki, səfərbərliyə çağırdığınız qələm adamlarını səhv ünvana istiqamətləndirirsiniz. Çünki siz Şərif Ağayar Bakıya gəlib yazıçılq sevdasına düşəndə 3 il öncə bax həmin o sizin dediyiniz kimi “qaraguruh”un bir numayəndəsi olan “muhafizəkar”, “cəhalət nümayəndəsi”, “dindar” olan Mübariz İbrahimov Biləsuvarlı ola-ola gedib o işləri görmüşdü. Siz Laçınlı Şərif Ağayar isə onda “Laçınsız ilk gün” hekayəsi yazırdınız. Maşallah hələ də yaza-yaza gedirsiniz.
Cəmil Həsənli: 50 ildir adam ev qurub, bu günə qədər onu qeydiyyatdan keçirməyiblər. 500 min mənzil qeydiyyatdan keçirilmir ki, nə vaxt bunun rüşvətini alacaqlarsa, o zaman qeydiyyatdan keçirəcəklər. 60 min adamın evini söküblər. Vətəndaşla dövlət birbaşa əlaqəyə girib onların pulunu vermir. İşbazları salırlar ortalığa və o işbaz, dövlətin pulundan vətəndaşdan, evi sökülən adamdan çox qazanır. Bu hallara son qoyulmalıdır.
Doktor Əli Şəriəti: Elmi düşüncəyə malik şəxs ənənəçi avamla eyni baxışa malikdirsə, onların heç birini ziyalı hesab etmək olmaz! 
Taleh Məmmədov: Qərblilər deyərkən mən nəinki Ermənistandan, ümumiyyə ölkənin qərbindən paytaxta gələnləri nəzərdə tuturam. Düzdür, əvvəllər də bölgələrdən paytaxta gələnlər olurdu. Lakin onlar az olduğundan istər-istəməz paytaxtın bütün qayda-qanunlarına tabe olur, şəhər mədəniyyətində “əriyir”, mədəni şəhər mühitində özlərini alicənab aparırdılar, əks təqdirdə ictimai qınaqla üzləşməkdən çəkinirdilər. İndi bu balans pozulub.
İbrahim İmanlı: Suriyada vuruşan bədbəxtlərin çoxu heç bilirlər ki, hardadılar, kimlə vuruşurlar? Əsir duşənlərin çoxu soruşur bura İsrail deyil ki?
A kişi bizə rus lazımdı: Maraqlı məqam bundan ibarətdir ki, Azərbaycan vətəndaşlarının Suriya və İraqda terrorçu qruplara qoşulmaması üçün müxalifətə aid siyasi partiya və təşkilatlardan nə bir bəyanat, nə bir konfrans, ümumiyyətlə, hansısa müvafiq tədbirlər həyata keçirilmir. Yazarlar, danışanda ayın on doqquzundan danışırsız, niyə bu barədə fikir bildirmisirsiniz? Qorxursuz?!
Lalə Mehralı: Bəs kovboyların viran qoyduğu Liviyada xalqın sosial-mədəni rifahı niyə bunları narahat edirdi? Dövlətin hər bir ailə üzvünə ildə 1000 dollar dotasiya verməsi, işsizlik müavinətinin 730 dollar olması, hər yeni doğulmuş körpəyə görə ailəsinə 7000 dollar verilməsi heç bir demokratik normaya sığmırdı.
Piri Baba: Azadlıq radiosunun aparıciları da həmişə yəhudi olur. Mirzə Xəzər yəhudidir. O yerdə ki Azadlıq sözü var, arxasında yəhudi barmağı var. Bizim müxalifət siyasəti yəhudi Mirzə Xəzərdən öyrənib və Azadliq radiosunu dinləyib.
Rusiya Dağılacaq: İndi papağınızı qabağınıza qoyun fikirləşin ki, sizin facebook fəaliyyətiniz, like-ləriniz, mitinqlərdəki şəkilləriniz, pafoslu statuslarınız ,eventləriniz bir yaralı barmağa da dərman deyil.
Anar Musayev: Sumqayıtda Yeqova Şahidləri ilə Vəhabilər at oynadır. Maraqlısı odur ki, bir-birinə tamamilə zidd olan bu manqurtlar toqquşmurlar. Demək olar ki, Sumqayıtı kvartallara bölüblər və hərəsi öz “kvartalında” Missioner fəaliyyəti aparır.
Nizami Məmmədov: Bu günkü cəbhəçilər iradə ortaya qoyub bunu özləri etiraf etməlidirlər ki, Xalq Cəbhəsi sıralarına daxil olmuş məlum tülkü bəylər xəyanətlərin həyata keçirilməsində mühüm rol oynayıblar.
Mənsur Həqiqətpur: Qarabağın azad edilməsi əsil ordu istəyir. Korrupsiya, yeyinti, əsgər ölümləri yaşayan, namazqılan zabitləri tərxis edilən, təlim görməmiş və hərbi təchizatsız ordu nə edə bilər?
Günel Mövlud: Hörmətli erməni xalqı! Siz də xalq olaraq, qarabağlı klanının əlində aciz qalmısınız... Xalqlarımızın bir-birilərinə qənim kəsilən, bir-birilərini tonqalda bişirib yeyən düşmən qəbilələrə çevrilməməyi, tarixdə vəhşi xalqlar kimi qalmamağımız, münasibətlərdəki gərginliyin heç olmasa, bir qədər azalmağı naminə, erməni və azərbaycanlı ziyalılar susmamalıdırlar. Bu çətin, gərgin illərdə hər iki xalqın ziyalıları bu düşmənçiliyin, nifrətin əlehyinə çıxmalıdır. Mən bu addımı ilk atanlardan biri olmaq istəyirəm və qarabağlı ermənilərin öz xalqının başına gətirdikləri oyunlara, zülmə, çəkdiyiniz məşəqqətlərə, yaşadığınız iztirablara  görə bir qarabağlı kimi sizdən üzr istəyirəm! Hərçənd, təkrar edirəm ki, bir nəfərin öz regionunun günahını tək yumağı, təkbaşına bir regionu təmizə çıxarmağı mümkün deyil…
Cavid Mustafa: Azərbaycan hələ özünə sahib çıxsın, sonra Turana lider olar.
Çingiz Abdullayev: Əgər Şamo Arif xalq şairidirsə, mən onda balerinayam.
Yafəs Türksəs: Gəlin Amerikayla dost olmaq üçün özümüzə bir qıvrımbaş, qarayanız lider seçək.
Babək Təbrizli: Görün ABŞ-ın Azərbaycandakı səfiri Riçard Morninqstarın sözçüsü nə deyir: “ABŞ-ın Azərbaycandakı səfiri Azərbaycanda fəaliyyətə başlayandan sonra Azərbaycanın müxalifət nümayəndələri ilə görüşləri olub. Bu görüşdə də tərəflər razılığa gəliblər ki, görüşdə müzakirə olunan məsələlər yayılmasın. Müzakirə olunan məsələlər tərəflər arasında qalsın”. Nə üçün düşünmürsünüz?- buyurur Quran.
Əhmədov Qoşqar: Heç bir milləti (evreylərdən başqa) təhqir etməyin nə tərəfdarı, nə də vurğunu deyiləm.
Muttəqi Bərməki: İsrail hökümətinin iradəsinə tabe olan Azərbaycan, İranda təhsil alan dindarların cəmiyyət içində nufuz tapmaması uçün həmişəki kimi İrana qarşı əks təblğat aparır, orda oxuyan tələbələri İran agenti adlandırır. İrana fars adı yapışdırıb əbədi barışmaz düşmən obrazı yaradırlar, onların geniş faliyyətinə mane olurlar. İranda təhsil almış tələbələrin fəaliyyətini əsasən məscidlərlə məhdudlaşdırırlar. Ancaq Türkiyə təhsilli tələbələr universitetlər səviyyəsində müəllimliyə dəvət edilir, bu yolla gənclər arasında sevgi qazandırmağa çalışılır. Həmçinin dövlət qurumlarının təşkil etdiyi tədbirlərə cəlb edilir və xalq içində tanındırırlar. İranlı tələbələrin içindən dini lider ortaya cıxmağından qorxub, onların uğur qazana bilməməsi uçun gəncləri daha böyük axınla nurçuluğa və vəhhabiliyə meylləşdirirlər. Bunun əvəzində Azərbaycanın şiə dindarları arasında İran təhsili olmayan, hətta ali dini təhsili olmayan bəzi şəxslərə daha çox nüfuz yaradılmasına şərait yaradırlar.
Əli Mammədzadə: Amerkaya Azərbaycanda nurçuluğun yayılması sərf edir. 10 ildən sonra Azərbaycanda dindarların yarısı nurçu, yarısı da vəhhabi olacaqlar.
Pərviz Salihov: Rusun dövründə nə bu qədər neft çıxarılırdı, nə də bu qədər qaz. Qiymət də 5 dəfə aşağı. Amma hamı dolanırdı. Bankların da xalqa olan borcu milyardlarla idi. Pulun dəyəri də indikindən 5 dəfə yuxarı idi. İndi isə banklara borcu olmayan yoxdur- rüşvətxorlardan başqa.
Samir Belil: Yoldaşlar, ermənilər Qarabağda keyf çəkir, qacqınlar da Bakıda. Qışqırmaq da bizə qalır. Hələlik.

Комментариев нет:

Отправить комментарий