2 dodaqdəyməz təcnis

Bəxtiyar Hidayət

1.

İgid ad çıxardar, tarix ad yazar

Igidə nə qaldı ada da qaldı

Yadda qalanların adı yaşadı

Həyatda nə qədər ad ada qaldı

Çiy çiydi, di gəl ki çiyin çiyi nə?

Qarışdı ey cahan, çiyin çiyinə

Neçəsi tarıxdə çiyin-çiyinə,

Yanaşı, əl-ələ, ad-ada qaldı

Elin hər yerini yada sal indi

Ya tək-tək alındı, ya dəs alındı

Gətirin ya qayıq, ya da sal indi

Yaralı tək-tənha adada qaldı

2.

Eldə igid azsa , əsir alanda

Yağılar qız, gəlin, ağsaqqal alar

Yağıya qalacaq, yada qalacaq

Yad elə axışsaq, axsaq qalalar.

İşi qırğılıqdı qırğının ancaq

Sərçənin adıdı qırxının ancaq

Qardaş arasında qırğının ancaq

Alsa qarşısını ağsaqqal alar

Zəncirdə saxladı iti, gedənlər

Dağları, daşları itik edənlər

Elini ataraq iti gedənlər

Yaralı, şil, şikəst, axsaq qalalar