Divarların dalında solan sevgilərdənəm
Zindanların içində olan sevgilər, mənəm
Mən dünyaya gələn gecə, köçdü günəş, aya
Cəngəl qana boyandı, ağaclar da baltaya
Doğdu dedi-qodu və yarandı şəhərdə dəb
Oldum adamların dodağında yeni səbəb
Əmmamələr geyindi və gizləndi baltalar
Bizdən danışdı dimdiyi Quranlı qarğalar
Namus söyüşlərində yekəldik və dinmədik
Edam ağaclarında dikəldik və dinmədik...
Indi Quzeydəyəm və Quzey də Güney kimi
“O, key bu key kimi və bu key də o, key kimi”
Yalnız dedi-qoduyla dolandırdı bizləri
Fırlatdı, fitnə saldı Vətən, qırdı bizləri!
***
Inan fikirləşirəm bəlkə cır qaçım burdan
Vətən rahatlığını bəlkə mən tapım gordan
Inan fikirləşirəm bəlkə yazmayım birdə
Elə gedim yaşayım kafelərdə mən, tində
Və indi mən görürəm, düşmənim vətəndaşdı
Və Qabilin qəməsi, Habil ilə qardaşdı!
Vətən mənim əl aparmır xəzanlı günlərimə
Və həblərim səbəb olmur qara düyünlərimə!
Gecə mənim qucağımdan çıxıb köçübdu göyə
Inan mənim qucağımdan bu Ay uçubdu göyə
Və sevginin yerinə, arxasında lüt qəmələr
Kədərlə sübhə kimi yorğan altda titrəmələr
Əlim qələmdə qalıbdır, sinəm boğub harayı
Və titrəyimdən olubdur bu dünyanın valayı!
Bulud kimi doluyam və gözümdə yaş yoxdur
Döyüşmək istəyirəm mən, əlimdə daş yoxdur!
Комментариев нет:
Отправить комментарий