02.07.2012

Sozarmış çatlaq dodaqlara

Xosrov Barışan


Biz paylaşılan
Birər çörəkdik,
Sozarmış, çatlaq dodaqlara,
Açılmayan süfrələrdə.
Lanət olsun...
Çürümüş bu dişlərin
Çırpışmasında;
Dartılaraq
Tökülürük!
***
Biz bəzəyən
Birər çiçəkdik.
Altın, qomaşdıran başaqlara,
Əkilməmiş zəmilərdə.
Lanət olsun...
İylənmədən sozarırıq!

***
Biz bəlki də;
Son insanın
Son nəfəsiydik.
Sarılan üzlü nəsiydik,
Yaşama dörd əllə,
O süfrəli çöllərdə.
Hələ də ki hələdir;
Kəsilməmişik.

Комментариев нет:

Отправить комментарий