Kinəlim (mahne)

Забил Мадож

Dılım boto ğo bedə,
Deşmeni dıl şo bedə, Im çı curə ko bedə,
Ha kinəlim, kinəlim (2 bəjən)

Dəvardiş de tovi şiş,
De pandomi, hovi şiş,
Boçi tı de lovi şiş?!
Ha kinəlim, kinəlim (2 bəjən)

Sədo kardəm hay bıdə,
Çımı nozə pay bıdə,
Boy bı savdı ray bıdə,
Ha kinəlim, kinəlim (2 bəjən)


Sə peqətə bəy şedəş?
Dı şemoni con sedəş,
Dardi kuti dard jedəş?
Ha kinəlim, kinəlim (2 bəjən)

Az zındəbim şon tıni,
Iştə şinə con tıni,
Vindəm dardi lon tıni,
Ha kinəlim, kinəlim (2 bəjən)

Çı dardiku kəfə bim,
Reğ-reğə bim, rəfə bim,
Şonbim,teləzəfə bim,
Ha kinəlim, kinəlim (2 bəjən)

Kıştə mıni çəşə ast,
Dardon bəmı dəmavast,
Boy bıdəmon dastbəst,
Ha kinəlim, kinəlim (2 bəjən)