Kəndə soxulub qadınlara təcavüz etdilər

Kənd sakinləri, bu hadisəylə əlaqədar hər hansı bir yerə şikayət edəcəkləri təqdirdə yenidən belə bir hücuma məruz qalacaqları ilə təhdid edilib

İslamazeri.az İnternet Qəzetinin "PressTV"-yə istinadən verdiyi xəbərə görə, Əfqanıstandakı ABŞ hərbi işğal qüvvələrinin hərbçiləri bir kəndə soxularaq oradakı qadınlara təcavüz ediblər.
"Əfqanıstan İnformasiya Agentliyi"nin xəbərinə görə, cinayət aktını həyata keçirənlər ABŞ-ın xüsusi təyinatlıları olublar.
Onlar Bəlx vilayətinin Çər-Bölək rayonunda yerləşən kiçik bir kəndə gecə basqın ediblər.
15 evdən ibarət olan kənddə evlər bir-bir axtarıldıqdan sonra bütün kişiləri kəndin kənarına aparıblar və burada bir neçə saat saxlayıblar.
Eyni zamanda qadınları bir yerə toplayıblar və sonra onlara təcavüz ediblər.
Bir neçə saatdan sonra isə kişiləri kəndə gətiriblər.
Amerikan xüsusi təyinatlılarına başçılıq edən zabit daha sonra kənd sakinlərini, bu hadisəylə əlaqədar hər hansı bir yerə şikayət edəcəkləri təqdirdə yenidən belə bir hücuma məruz qalacaqları ilə təhdid edib.