24.03.16

Rus vertolyotunu vuranlar ələ keçdilər


20 martda Cebel Kalyat yüksəkliyi uğunda gedən döyüşlər zamanı Suriya ordusunun döyüşçüləri Rus vertolyotunu vuran 4 terrorçunu ələ keçiriblər.
Vertolyot 24 noyabr 2015-ci ildə Türkiyə hərbi-hava qüvvələri tərəfindən vurulmuş rus təyyarəsinin katapult etmiş pilotunu götürmək üçün gedərkən vurulmuşdu. Terrorçular öz əməllərini videokameraya çəkib youtube kanalına qoymuşdular və vahhabi cihadçılarına məxsus sosial şəbəkələrdə yaymışdılar. Onlar təyyarəni amerikan istehsalı olan, tankları məhv etmək üçün nəzərdə tutulmuş TOW silahı ilə vurmuşdular. 
Suriyanın xüsusi təyinatlı 48-ci polkunun əsgərləri ələ keçən terrorçular arasında rus vertolyotunun vurulmasında şəxsən iştirak edən dörd terrorçunu üzdən tanımışlar. Onların Cəbhət ən-Nusra qruplaşmasına mənsub olduqları bildirilir.

Комментариев нет:

Отправить комментарий