Türkiyə Rusiya ilə birləşəcək?

Tanınmış rusiyalı politoloq, həmvətənimiz Kamran Həsənov “Avrasiya Birliyi: perspektivlər, çağırışlar, ideologemlər” mövzusunda keçirilən konfrans zamanı çıxış edərkən maraqlı fikirlər səsləndirmişdir. Həmin fikirləri sizə təqdim edirik.

✅ Rusiya və Türkiyə Qərbin ideoloji ekspansiyasına qarşı birgə mübarizə aparırlar. Son illər Suriyada, Qarabağda baş verən hadisələr göstərdi ki, Rusiya və Türkiyə öz aralarında razılaşa, birgə hərəkət edə bilərlər.

✅ Rusiya 2016-cı ildə Türkiyədə ABŞ tərəfindən təşkil edilib həyata keçirilən dövlət çevrilişi zamanı Türkiyəyə ciddi kömək etdi. Bu faktın özü Rusiyanın etibarlı partnyor olmasını təsdiq edir.

✅ Region ölkələri öz təhlükəsizliyini, iqtisadi inkişafını və siyasi müstəqilliyini yalnız Avrasiya Birliyinə qoşulmaqla təmin edə biləcəklər. Avrasiya Birliyinin qurulması Rusiyanın, Türkiyənin və İranın birbaşa iştirakı ilə həyata keçirilməlidir. Bu üç ölkənin uzlaşma yeri Cənubi Qafqazdır.

✅ Türk xalqlarının çoxu Rusiya ərazisində yaşayır. Orta Asiyada yaşayan türklər də Rusiya ilə birgə ittifaqlara daxildirlər. Ona görə də Rusiya Turanın yaradılmasına başçılıq etməlidir, bütün türk təşkilatlarında aktiv iştirak etməlidir.