əksim və mən
gedirəm
kölgəm – gah irəlidə
gah də geridə
gah da qeyb olur yığılır bədənimə
dayanmışam
güzgü - əksim hərəkətdə
çəkilirəm
əksim gizlənir zülmətdə
oturmuşam
fotolar – şəkillərdə
düzbucaqlı xatirələr
baxmıram
yox olur hadisələr
güzgüdə əksim (dayanmışam)
fotolar (oturmuşam)
və
mən (gedirəm dayanmışam oturmuşam)
nə sirr var bunlarda
yəni kölgədə güzgüdə fotolarda? –
həm mənəm
həm də mən deyiləm
nə sirr var? –
birini deyim:
mən üçölçulu – fəzada hərəkətdə
onlar müstəvidə - ikiölçülü təsvirim
nə sirr var məndə
nə sirr var? –
birini deyim:
mən də təsvirəm
üçölçülü güzgüyəm şəkiləm kölgəyəm
Комментариев нет:
Отправить комментарий