Ramin Cahangirzadə - Balıqlar öləcəklər

İntihar

Sabah,

Yağmurlar şəhərində

Günəş kəndiri ilə

Özünü asacaq buludlardan

Bir adam

Şəhərə hay düşəcək…!

Kənd pıçıldaşacaq…!

Qara buludlar

Pıçaq çəkəcəklər

Oyanacaqlar çiçəklər

Saçlarını yolacaq yağmurlar

Sabah göy üzündə

Bir adam göyərəcək

Sabah damdan-dama damacaq

Bu adam…

Balıqlar öləcəklər

Bu gecə hər nə aydın olacaq

Akvaryomdakı balıqlar

Evin ortasına atılacaqlar

Öləcəklər dəniz havasına…!

Tanrı, utanmır heç…?!

O boyda gücü olsa da

Balıqları ala bilmədi

Ölümün əlindən