Nicat Cəfər - Bildim

Səni, ey gül, özümə sevgili canan bildim,
Üzər axır məni bu nisgilü-hicran, bildim

Yoxdu bir kimsə tuta hali-dilimdən xəbəri,
Qəlbimə tək səni qəmxar və dərman bildim.

Eylədin könlümü viran sən, ey leylivəşim,
Bağlanıb zülfünə gülzarı-biyaban bildim.

Sənlə olmaq mənə əlbəttə səadətdi, gülüm,
Bülbülün yoxsa əgər naləsi nöqsan bildim.

Ey Nicat, yarın əlində bu qədər etmə giley,
İbrət al, canımı mən yarıma qurban bildim.