Fulya mövzusu maşın şouda qalib gələn Suna mövzusunu xatırladır.
Nə qədər girəcəksiz, ay bədbəxtlər?!
Bayraktar sizə pulsuz verilməyib! Hələ üstəlik onların dönərxanalarının əvəzinə onlara 30 milyard dollar sərmayə qoymuşuq.
16 ildir ailəsi ilə birlikdə Bakıda yaşayır, TV kanallardan birində aparıcılıq edir, amma Azərbaycan dilində bir kəlmə də bilmir, hətta başqalarının danışıqlarını başa düşmədiyini utanmadan etiraf edir... Və hamı da ona hörmət etdiyini bəyan etməkdə canfəşanlıq edir.
Söhbət rusdan yox, “Maşın-şou” iştirakçısı Türkiyə vətəndaşı Suna Kasımoğludan gedir. Rusdan fərqli olaraq, türkün azərbaycan dilini öyrənməsi çox asandır – təki istək olsun.
Məni Sunadan çox bizimkilər narahat edir. Əgər Suna 16 il Bakıda yaşayaraq, dil biliyinin əsas şərt olduğu TV-də çalışaraq, dilimizi öyrənməyibsə, bunda günahkar bizik. Deməli, hamı onunla türk dilində danışmağa çalışır.
“Maşın-şou” tarixində Suna yeganə adam oldu ki, bir dəfə də səsverməyə çıxarılmadan qalib oldu. Çünki heç kim onu nə səsverməyə çıxarmağa, nə də səs toplayıb oyundan çıxarmağa ürək etmədi. Axı Böyük qardaşın nümayəndəsidir, ona toxunmaq olmaz. Çox simvolikdir.
Nəticə də simvolik oldu – Azərbaycanın Müstəqillik Günündə Azərbaycanda 16 il müddətində Azərbaycan dilini öyrənməyən Türkiyə vətəndaşı qalib oldu.
Aydındır ki, belə hadisə Türkiyədə mümkün ola bilməzdi, Türkiyə şoularında iştirak edən istənilən azərbaycanlı türk dilində danışmağa ən azı cəhd göstərir.
Belə hadisə heç Gürcüstanda da ola bilməzdi.
Ermənistan barədə isə yazmıram...
Комментариев нет:
Отправить комментарий