Bu gün gürcü dili böyük təhlükədədir

Gürcüstanın Leyborist Partiyası orta məktəblərin birinci siniflərin dərs proqramına ingilis dili fənninin daxil edilməsinə qarşıdır. Gürcüstan KİV-lərinin məlumatına görə, partiya liderlərindən biri olan Soso Şatberaşvili jurnalistlərə açıqlamasında bəyan edib ki, gürcü dilinin bütün dövlət idarələrindən, məktəblərdən və ali təhsil ocaqlarından sıxışdırılıb çıxarılması məqsədyönlü siyasətdir. Onun sözlərinə görə, hazırda Gürcüstanda ingilis dilinin öyrənilməsi məcburidir. Əgər tələbə bu dili öyrənməsə, diplomsuz qalacaq.
“Gürcü dilinə əhəmiyyət verən yoxdur, ingilis dili isə dövlət səviyyəsinə gətirilib çıxarılıb. Bu gün gürcü dili böyük təhlükədədir” – deyə Şatberaşvili vurğulayıb.