ŞƏHİDLƏR XİYABANINDA

Aida EYVAZLI

Bir gənc qız sevdiyi oğlanın baş daşını qucaqlayıb ağlayırdı

Əhdinə vafalı gözəl,
Nə yanqılı ağlayırsan.
Göz yaşınla mərmər daşın,
Ürəyinmi dağlayırsan?!

Daşa dönmüş o şəkili,
Bağrına basdığın bəsdir.
O mərmərdən baş daşına,
Nə danışsan da əbəsdir.

Qəribədir bu həyat...

Afaq Şıxlı


QÜRBƏT SULARI

Qürbətdə sulara pul atan qərib,
Nə olub, üstünü buludlar alıb?!
Yenə bahar gəlib, dərdin göyərib,
Tənhalıq ruhunu qəfəsə salıb?!

Eh, dostum… dəyişib o sən görənlər...
Dərdini qəriban anlayar ancaq.
Vətəndə yaşayıb - ömür sürənlər
Bir də uşaq kimi danlayar ancaq.

Arzularımın övladları

GÜNAY ƏLƏKBƏRZADƏ

MƏCBURİYYƏT…

Sən siqareti duman-duman

çəkdin içinə,

Mən Səni…

Sən özünü

siqaret qutularıyla tükədirsən,

Mən Səninlə…

Sən külqabı içində

siqaretləri öldürürsən,

Mən öz içimdə Səni…

Səni siqaret zəhərləyir,

Məni Sən…

İLAHİYYATÇININ YUXUSUNU QARIŞDIRMAĞI

Araz Gündüzün tərcümələri

BERTRAN RASSEL

            Günlərin bir günü, necə oldusa, ilahiyyat üzrə adlı-sanlı elmlər doktoru Taddeus özünün yuxuda öldüyünü gördü, ona görə də üz tutub, göyə sarı yollandı. İlahiyyat üzrə çalışmalarından göyü yaxşı tanıdığı üçün, azıb eləmədən, birbaşa gəlib uğrağına çatdı. Ancaq gəlib çıxandan sonra göyün qapısını döyəndə, qarşısına çıxan qapıçının davranışı ona çox  anlaşılmaz  göründü.

            –Buyurun, məni içəri buraxın,- o qapıçıya üz tutub dedi.- Mən buraya Yer planetindən, yamanlıqlardan arınıb gəlmişəm, özüm də bütün ömrümü yaradanın ad-sanını ucaltmaq yolunda qoymuş bir insanam.

            –İnsan? – qapıçı çaşqınlıq içində, gözlərini döyərək soruşdu.- O nədir elə? Bir də sözün düzü, mən anlaya bilmirəm, sizin təki cılız, lap deyərdim gülməli bir varlıq, necə olur, tanrının ad-sanını ucalda bilir?

QIFILBƏND, QƏZƏL, BİR DƏ SEVGİ ŞEİRİ

Bəxtiyar Hidayət

Bir hikmət görmüşəm, yıxdığı dinməz

Özü yıxdığının dinər yerinə

Üç ayağı üstə bir atı vardır

Ömründə minmədi yəhər yerinə

Şair deyil, sətir-sətir yolu var

Ayağının altda düşən dili var

Üzükdən keçəsi incə beli var

Di gəl xamud taxar kəmər yerinə

Bir zərbəyə neçə baş-bədən üzür

Səhrada dalğalar düzəldib üzür

Mələkdi, gəzəndə çiyində gəzir

Hayıfdı, düşməsin şəhər yerinə

BEŞ

Aftandil Adeişvili

(Gürcüstan)

           

            Müəllim sinfi nəzərdən keçirərək:

            -Bu gün yoxılama yazı işimiz var, - dedi. –“Bizim qonaq” mövzusunda inşa yazacağıq.

            Çox düşünmədən yazmağa başladım: “Qonaq – Allah adamıdır!” Bunu mənim babam deyir. Nən pionerəm. Allaha inanmıram. Qonağa isə inanıram. Evimizə qonaq gələndə bizdə toy-bayram olur. Qapısını qonaq açmayan evi qonaqsevməz adlandırırlar. Mənim valideynlərimə bu adı vermək olmaz. Ona görə ki, evimiz həmişə qonaqlı-qaralı olur. Özü də həmişə çoxlu pay gətirirlər: hinduşka, toyuq, çoşka, qoyun.

Ayrılıq yükü

Süleyman CƏFƏRLİ

Yenə axşamladı bu dəli şəhər,
Yenə də ayrılıq saatı çatdı.
Yenə də sevgimin sarı günəşi,
Qaralan qaşların altında batdı.

Yenə də ayrılıq, yenə də özləm,
Yenə önümüzdə dayandı axşam.
Yenə də saatlar ayırdı bizi,
İçimdən gəlmədi, mən sağollaşam.

KİR

GÜNEL ŞAMİLQIZI

Burda  bir  kir  yaşayır

Başdan-ayağa  sudur.

Axıb  öz  gözləridən

Lap  Xəzər  dolusudur.

O  təmizlər  şəhəri

Özü  yenə  kir  qalar.

Əlində  bir  süpürgə,

Ovcunda  səbir  qalar.

O  bilər  zibil  kimdir,

O  bilər  zibil  nədir?

Hamı  bir  yığın  kirdir,

Kimin  nə  vecinədir?

Üzü tənhalığa

Narıngül                      

Ağrı

Canımdakı ağrını ata bilsəydim

gedərdim azadlıqlar yurduna.

O gələn qatara çatsaydım

gedərdim uzaqlara.

Uzaqlar unutmaq üçündür!

uzaqlar ovutmaq üçündür!

Canımdakı ağrını ata bilsəydim

bir ovuc xoşbəxtlik səpərdim torpağa

quşlar sevinərdi...

Mehdi Əzimi. Dördlüklər.

gözünü hayata açdığın zaman

yaşam geri dönüb gedirdi hara

hər nəden xəbersiz kəhliklər kimi

insanlar başların soxmuşdu qara

açdılar üzünə yaşam qapısın

düşünə bilmirdin heç nə anda

zorla qutladılar doğum gününü

çarəsizdir anan səni doğanda

qaranlıq dünyanın hakimi olmuş

sanki öldürüblər göyün alahın

sönübdür günəşin isti nəfəsi

yandırır şəhəri tək sənin ahın

Sözlərə bükülüb şairlər

Tural Sahab

Kaş Günəş dogaydi
isdiyədi ruhumu
xeyirə yozaydi yuxumu
əriyəydi ruhumun buzlari
gətirəydi sonsuz baharlari

Kaş Günəş dogaydi
bütün acilarim
bir damla qar kimi
əriyib yox olaydi

Siqaretlərimin qatili

Sərdar Tağıyev

Səni sevən gözləri
indi yaşları yuyur.
Kaşki həmən gözləri
yaş əvvəldən yuyaydı
Səni yaxşı görəydim
Sənsə narahat olma!
Gözümdə yaşayırsan,
yaşayıb  yuyulursan.

Pişiklər şəvhvətdən,
mən xəyanətdən
sızlayıram bu gecə...
Səni unudammayan
bütün hüceyrələrmin
cəsası siqaretdir.

Yalnız burda yağış yağır - RƏSUL YUNAN

QOLTUQ

Zaur Qəriboğlu

Yaxşı yadımdadı, o vaxt Parisin mər­kə­zin­də­ki mağazaların birindəydim. Nə üstü­mə otu­ranım, nə də dərd-sərim vardı.

Xoş­­bəxt günlərimi yaşayırdım. Arada eşi­dir­­dim ki, qiymətim çox baha olduğundan ya­xın duranım yoxdu.

Bir də xəbər tutdum ki, təyyarənin ba­qa­jın­dayam. Hansısa ölkənin məmur­larından biri mə­ni alıb.

İlk dəfə azca da olsa, sevindim ki, nəhayət, məni də alan oldu.

Sevgi Nasıl Yüklenir?

Müşteri: Çok fazla teknik bilgim yok. SEVGİ yüklemek için ne yapmam gerekiyor?

Yetkili: İlk adım olarak KALBİM dosyanızı açmanız gerekiyor. Açtınız mı?

Müşteri: Evet. Ancak su anda GEÇMİŞ ACILAR.EXE, DÜŞÜNDÜKÇE.EXE, HASET.EXE ve GÜCENME.EXE isimli programlar da çalışıyor. Onlar çalışırken SEVGİ yükleyebilir miyim?

Yetkili: Problem değil. Yüklediğiniz anda SEVGİ otomatik olarak sisteminizden GEÇMİŞ ACILAR.EXE’yi silecektir. Bir süre daha geçici hafızanızda kalabilir ama artık diğer programları etkilemeyecektir. SEVGİ er geç DÜŞÜK GÜVEN.EXE’yi silerek YÜKSEK GÜVEN.EXE isimli bir modül yükleyecektir. Ancak, siz HASET.EXE ve GÜCENME.EXE’yi mutlaka kapatmalısınız. Bu programlar SEVGİ’nin yüklenmesine engel olur. Onları kapatabilir misiniz lütfen?

Kıskanılacak Sevgi

Otobüs yolcuları elinde beyaz bir baston taşıyan genç ve güzel kadının otobüse binisini içten gelen bir sempati ile izlediler.. Basamakları geçti. Boş olduğu söylenen koltuğu el yordamı ile buldu. Oturdu.. Çantasını kucağına aldı. Bastonu koltuğa yasladı. 34 yaşındaki Susan, bir yıldır görmüyordu. Bir yanlış teşhis sonucu görmez olmuş, birden karanlık bir dünyanın içine düşmüştü. Öfke.. Kızgınlık.. Kendine acıma...
Hayatta tek dayanağı artık kocası Mark’tı.. Mark hava kuvvetlerinde subaydı. Susan’ı bütün kalbi ile seviyordu. Susan gözlerini kaybedince, Mark karısının içine düştüğü umutsuzluğu hemen farketmişti. Ona yeniden güç kazanması, kaybettiği kendine güvene yeniden sahip olması için yardim etmeliydi. Susan gene kendi kendine yeterli olduğuna inanmalı, kimseye bağımlı olmadan yasayabilmeliydi.

Sevgi, Zenginlik, Başarı

Alışverişe gitmek üzere evden çıkan bir kadın, kapısının karşısındaki kaldırımda oturan bembeyaz sakallı üç yaşlıyı görünce önce duraksadı, sonra onları, tüm içtenliğiyle evine davet etti:
"Burada böyle oturduğunuza göre, üçünüz de kesinlikle acıkmış olmalısınız" dedi. "Lütfen içeri gelin, size yiyecek bir şeyler hazırlayayım."
Üç yaşlıdan biri, kadına, eşinin evde olup olmadığını sordu.
Kadın, eşinin biraz önce çıktığını, şu anda evde olmadığını söyledi. Yaşlı adam, başını iki yana salladı: "Eşiniz evde değilse, biz de davetinizi kabul edemeyiz" dedi.

QADIN OLMAQ

Zümrüd Yağmur

Hər şeyi, bütün arzuları, istəyi, ehtirası, yaşamaq eşqi göydəki ulduzlar səhərin ağuşunda öldürdüyü kimi, sevdiklərinin yanındaca ölmüşdü. O nə xoşbəxt ola bilmişdi, nə də bədbəxt… Sadəcə zaman onu bu dünyaya mıxlamışdı, öz ağır zərbəsini bir dəfəlik endirmişdi və hər şey qurtarmamış bitib tükənmişdi.

Darıxa bilmək üçün darıxırdı, amma darıxmaq ondan çox uzaqda idi, daha heç də ola bilmirdi, heç olanda hər şey uğrunda vuruşub çarpışırdı, həyatla cırmaqlaşırdı, nifrət edirdi, sevirdi, kin bəsləməyi bacarırdı, arzulamaq qabiliyyəti də vardı. Amma indi hər şey keçmişdə idi...

 İndisi, gələcəyi, olmayan keçmişdə...

Əslində onun xatırlanacaq keçmişi də yox idi, həmişə hər şey indisinə sığınıb qalmışdı və o qəlbinin dərinliklərində hiss edirdi ki, indisi də onunla birlikdə qeybə çəkilib.

“Yox, heç bir qeyb yoxdur, sadəcə mən indi də belə yaşamağı bacarmaq üçün bundan bərk-bərk yapışmaq istəyirəm. Başqa kim, nə var ki?! Mənim ömrüm?.. 

İcazə verin bu siqareti yandırım

Qəşəm Nəcəfzadə

İcazə verin bu siqareti yandırım
Unutmağın eşqinə.
Böyük oğlan olsun unutmaq,
Yüz yaşını qeyd edək.
Sevgidən birinci olduğu üçün
... Onun sağlığına siqaret çəkək.

Təklif eləyirəm
“Malbura” çəkək,
Unutmağın şərəfinə.
Özü də ayaq üstə çəkək.

Yağışı sevmirəm

Aytən Nəsibbəyli

Yağışı sevmirəm!
Mənə sərinlik gətirmir.
Hər atəşi söndürür, eşitmişəm.
Bəs illərdən bəri içimdə yanan
alova niyə yağmır?
Damlasını saçıma taxıb
gəzmişəm axşamlar.
Susuz dodağıma bir gilə atmayıb.
Qaçıram,
Bezar olmuşam yağışdan.
Mən dolu istəyirəm ömrümə!