10.01.2012

Sabir Rüstəmxanlı Türkiyədə aksiyaya qatılıb

Dünya Azərbaycanlıların Konqresinin həmsədri, millət vəkili Sabir Rüstəmxanlı Türkiyənin Qars şəhərində yanvarın 7-8-də düzənlənən “Sarıqamış” Hərəkatının 97-ci ildönümü ilə bağlı yürüş-mitinqdə iştirak edib. 

“Qafqazinfo” xəbər veriur ki, məlumatı hazırda Türkiyədə səfərdə olan millət vəkili Sabir Rüstəmxanlı verib. Qeyd edək ki, bu hərəkat zamanı Türkiyənin 90 mindən artıq əsgəri şəhid olub.

“Türk Dünyası səninlədir, Sarıqamış!” adı altında keçirilən tədbirdə “Sərhəd Boyu” Dərnəyinin və “Türksoyla İpək Yolu” televiziya proqramının dəvəti ilə Türk Dünyasının çeşidli bölgələrindən olan onlarla nümayəndə iştirak edib. Mərasimə Türkiyənin daxili işlər naziri, digər dövlət məmurları və millət vəkilləri də qatılıblar.


DAK həmsədri daha sonra Qars şəhərinin valisi, bələdiyyə başqanı, ülkü ocaqlarının rəhbərləri, mədəniyyət işçiləri, Qarsdakı Azərbaycan konsulu və Azərbaycan Kültür Dərnəyi, Türk Dünyası Gənclər Birliyi, “Sərhəd Boyu” dərnəyinin üzvləri ilə görüşlər keçirib.

Комментариев нет:

Отправить комментарий