Rusiya prezidenti Vladimir Putin fövqəladə vəziyyətlərdə danışıqlarda nalayiq ifadələrdən istifadə edir.Gürcüstanın keçmiş prezidenti Mixail Saakaşvili Ukrayna televiziyalarından birinə açıqlamasında Rusiya prezidenti Vladimir Putinin fövqəladə vəziyyətlərdə danışıqlarda nalayiq ifadələrdən istifadə etdiyini açıqlayıb.
Bugun.az aktual.az-a istinadən bildirir ki, Saakaşvili Rusiya dövlət başçısının dünya liderləri ilə davaranışlarında kobudluğa yol verdiyini də dilə gətirib:
“Bir dəfə o, Fransanın sabiq prezidenti Nikolya Sarkozinin üzünə nalayiq söyüşlər işlətdi, üstünə hücum çəkdi. Hətta onun mükəmməl bir tərcüməçisi vardı. Bu sözlərdən onun gözləri bərəlmişdi. Nalayiq sözlərdən Putin hər bir dövlət başçısının çəkisinə uyğun olaraq istifadə edir. O, bu yöndə individualdır. Kiçik ölkələrin prezidentlərinə, ümumiyyətlə, fikir vermir”.
Saakaşvili, həmçinin, 2008-ci ilin avqust hadisələri zamanı Putinin reaksiyalarına da toxunub:” Mən ona zəng elədim və bildirdim ki, bütün sivil dünya Rusiyanın Gürcüstana təcavüzünü pisləyən bəyanatla çıxış edir. O isə, bütün dünyanı “ bir yerə yolladı”. Mənə dedi ki, qərblilərin bəyanatlarını onların “ bir yerinə” sox”.
Saakaşvili sonda Putinin rəğbət bəslədiyi dövlət başçıları məsələsinə də aydınlıq gətirib. Ad çəkməyi məqsədə müvafiq bilməyən sabiq prezident əlavə edib ki, Putinin daha çox sovet ruhlu ölkə başçılarına hörməti var.
Комментариев нет:
Отправить комментарий