Rəşad Sükri - Nalan dili ilə

Tərpəndi dodaqlar yenə Quran dili ilə,

Zikr oldu neçə ayə dürəfşan dili ilə.

Həm həqqi bəyan eylədi, həm həqqə çağırdı, 

Nadansa başa düşmədi İnsan dili ilə.

Bax səhnəyə- yetmiş nəfərə qarşı otuz min

Düşmən çıxış etməkdədi üdvan dili ilə.

Su istədi bir qurtum Əliəsgəri için,

Tez verdi cavab Hərmələ peykan dili ilə.

Əkbər su üçün sürdü atı xeyməyə sari

Sirab elədi oğlunu Ətşan dili ilə.

Əbbas ağaya söylədi get Nəhri-fəratə,

Ləbbek dedi tiğidə bürran dili ilə.

Aldı bir ovuc, əhdini yad eylədi atdı,

Lənət dedi zalimlərə suzan dili ilə

Şükri bu təsəlli bəs edər Həqqi dananlar

Məhv oldu bütün Zeynəbi nalan dili ilə.

***

Ey mənim hər iki aləmdə Ağam

Aləmə zinət verən şanlı İmam

Ey ədalət mənbəyi ey xoş məram

Ey gülər üz Rəhbərim şirin kəlam

Et qəbul ərz eyləyir kəmtər qulam

Əssalamu əssalamu əssalam.

Ya İmam aləmlərin mənasısan

Gülşəni eşqin Güli-rənasısan

Sən həqiqət əhlinin Mövlasısan

Sən vəsilər içrə ən əlasısan

Ta Səninlə oldu nemətlər tamam

Əssalamu əssalamu əssalam.

Doğmamış heç bir ana Sən tək oğul

Ey şirin eşqi nəbat ilən noğul

Təqdim etdikdə səni Xətmi-Rəsul

Aləmi zərridə mən etdim qəbul

Haqını dansam əgər olsun haram

Əssalamu əssalamu əssalam.

Kəbə misli ey fəzilət Sahibi

Övliyalar Şahı hikmət Sahibi

Həq Vəliyullah vilayət Sahibi

Ey bir anda min kəramət Sahibi

Şah olur alsa gəda səndən ənam

Əssakamu əssalamu əssalam.

Yadın ilə göz yaşım dönmüş selə

Dəstəmazsız adını almam dilə

Sən Ağa oğlu Ağa mən bir kölə

Nola miskin Şükriyə bir lütf elə

İstərəm mən həm alım səndən salam

Əssalamu əssalamu əssalam.