Oyundan kanarda qalan qızcığazın düşündükləri...

Səlim Babullaoğlu

Onlar mənimlə oynamazlar,
Onlar məndən böyükdürlər axı.
Amma onlar anlamazlar-
Yerin altında axan şırıl-şırıl sular,
Göydə yaşayan pırıl-pırıl ulduzlar,
Hər gecə,hər gündüz mənimlə oynar.
Hər gecə mən qaçanda qaçar ardımca
şorqoğaltək yüpyümrü dolunay;
hər gün oynayar mənimlə qizlənqaç;
göy üzü ,Günəş əmi,buludlar.
Onlar mənimlə oynamırsa,
Yağış istərəm məndə buluddan:
Qoy qaçsın,dağılsın onlar,
Onlar mənimlə oynamırlar...
...Amma yazıqdırlar,islanarlar...