yuxularımda çox dərin bir quyu qazıb
bir ovuc torpaqda qorxularımı gömdüm,
sonra ürək dolusu bir bir nəfəs alib
mən daha qorxmuram deyə çığırdım .
vahiməli səsimdən qulaqlarım belə titrədi
ətrafa etiraf dolu narın bir yağış yağdı ,
ovuclarımı açdım bu yağışa
topladım , topladım etiraflarımın məhsulunu .
dadlı , duzlu , sevgisiz ya sevgi dolıu
bilmirən nə alındı bu qarışıq duyğulardan
amma qəlbimə , ruhuma bir sərinlik çökdü.
Gəl bu gecə qapıları bərk-bərk bağlayıb
kədərə, acıya əlvida deyek ,
isti bir sevginin əlindən tutub
soyuq bir otaga sevinc gətirək.
gəl ikimizə bir dünya quraq
təməli sevgi , dirəyi atəş
od tusun tənhalıq yansın , tükənsin .
əlimizə toxunmayan xırda tozlar da
bu sevginin ahəngindən
asta rəqs etsin , uçsun.
.........................................................
gəl keçmişdə yaşanan bir filmə
yeni bir rəng qataq ,
misralar süzülsün kadrlara
damla-damla, asta-asta .
rəng ahəngi də dəyişsin
gülümsəsin kədərli anlar .
sağollaşan , ayrılan yollar
yenidən əl tutsun son gedişlərə.
yenidən canlansın bitməyən otlar
cücərsin , yaşıllaşsın sevgimiz kimi .
bəlkə də qoca bir ağac
yenidən bir kölgə, sərinlik versin .
bəlkə də o vaxtın körpə gülləri
bu günə uca bir zirvə də olsun.
bəlkə dəmənimlə böyüyən anlar
sənin qəlbinıə də kök sala bilsin.
bəlkə də mənimlə uşaq olarsan
yenidən qaçarıq o küçələrdən
yenidən əl-ələ , göz-gözə verib,
itərik keçmişin anılarında.
eh baxıram gecə də düşür
yenidən film bitir , solur ahəngi
süzülür misralar boşalan qəlbimə
damla-damla,asta-asta .
yenidən işıqlar sönür , kadr qaralır
amma sevgimə kölgə sala bilmir.
gecənin yorğun gözlərindən
kədərli bir nağıl süzülür
bir-birine bənzəyən iri qablara
asta-asta dolur və daşır.
..........................................
əllərimə toxunma bu gün
qoy soyuq və titrək qalsın ,
illərin verdiyi isti nəfəsi
bu gecə duymadan yuxuya dalsın.
laylaya bənzər asta ahənglə
kəlmələr danışsın , dursun.
.............................
Təbiət belə sənin kimidir
həmişə eyni , amma maraqlı
tufanı, seli , qarı , yağışı
tökdürür , bezdirir hər addımbaşı
bəlkə bu oxşarlıq bir əlamətdir
qara sapa düzülən ağ inci kimi
bəlkə də ömrümə fərqli ruhunla
bir addım atmaqla sən gəlməliydin
bəlkə də
bilmirəm
Bilmirəm səninlə necə yaşayım ?
hər günün ömrümə bir fəsil verir
əvəzində illəri alır...
Kitab belə sənin kimidir
qəmli , sirli, mənalı, coşqun
açdıqca vərəqlər ötür ömrümdən
səni ya yaxın, ya uzaq edir.
arada ömrümə dəli ruhların
Əlisilahlı , ayagıyalın bir basqın edir
bilmirəm
bilmirəm bu kitab ömrə necə inanım
hər günüm bir əsrə pənah aparır
bilmirəm , bəlkə də sən elə özün
ildən -ilə dəyişən bir fəlakətsən.
Комментариев нет:
Отправить комментарий