08.07.2012

Arğın Çağdaş. Mənə bir baxışlıq Təbriz gətir

Bir dördlük yazdım,
pozdum....
pozdum....
pozdum....,
Sənin durduğun sətirə qıyamadım!!!!!!
***
Ziyarətimə gəlmək istəyirsənsə,
Tutmayıb ayaqlarımın siyatik ağrısı,yox!
Çox qaranlıq dır burası...
Bir baxışlıq,
Mənə bir baxışlıq Təbriz gətir, Gözlərində!.
***
Əlindəki çiçəklər , ən az tənində-ki sevişmə qoxusu qədər özgə dir!
Nar deyil , sözlərindən alma qoxusu gəlir
Narını mənə dərdirərkən...
Nə deyişdi də, o özgə almaları göydə qapdın sən?
oysa,saçında çiçəklərim,
Kətan köynəyində isə , narımın qan damcıları dururdu!

Sən nar yeyərkən , suyu köynəyənə damsın , gözlərinin şaşqınlığına calanayım istərdim.
Birdə  ətəyinə səpələnən nar dənələrini toplarkən , toxunmamaya xərclədiyim özəni , və qorxuyu sevərdim!
Gedərkən:
Darıxma, ürəyim çoxdan dır dərili dir...
Narını qopar sən , qop a a a ar ,  dərmədən qopar.
Qorxma , ən az ürəyim qədər dolo və qanlı dir!
***
Bu yeni bir ağrı,
Özgə ama içdən bir ağrı!
Öləcəyəm sanki...
Sənsiz yaşadıqlarımın və yaşadığım sənsizliyin,
Sonu olacaq   bu ölüm!
Ölüm məni sənsizlikdən qurtaracaq
Uysal və dirənişsiz öləcəyəm!
Ayrıca bu ölüm toyumu gətirəcək,
Bu sənsiz gecələrə, son qoyacaq bu ölüm!
Ardımda buraxdıqlarımdan, ən çox  topançamı özləyəcəyəm,
Bilirsən mi ? onada toxunmazdım
Rəfimdə durardı,seyrinə dalardım,
Sənin olsun tütün qutusu və  kitablarım!
O axsaq pişiyimə diqqət et, ovlaya bilmir.
Ağrı toxlaşır...
Gedişinin acısına çalır!
Əl yazmalarımıda oxuyarsan...
***
Küçə ağır , çox ağır
İzdiham bulanıq
Bax sağ əlin ürpərə ürpərə buz oldu!
Ufuqların sərxoş,
Ən az mənim qədər!
Qavaq yarpaqları xışıltısız!
gözümə baxsaydın, çözülərdi,
Tilsimli sözcüklərinin düyünü!
Nəsnələr durğun,
Ən çox sənin qədər!
Söz səndə dir qırmızı intihar!
***
Qızıl güllər açmışdır
O üzdən dir bəlkədə sevgi yerimin acışması!
Hər şeyin bir səbəbi vardır,
Ölümün ayrılığa yengə çıxmasından başqa
***
Dişlənmiş dururdu könülsüz verilən cənnətin yasaqlı almaları!
O üzdən əmniyətsiz dodaqların alma dadırdı !
Və yusufun köynəyi qədər,
Etibarsızdı, vaz keçdiyim qucağın.
***
Sahibsiz məzarıma yazılsın:
“Sevgimiz bir anlaşmaydı!
Sən ömürlük sevəcəkdin,
Mən-sə istədiyim müddətcə sürdürəcəkdim!!! “
***
Çağlayıb dalğalanan dənizdən,xəbərsiz
Tirlənib,günəşlənənlər...
Gün batınca,evə dönərlər

Комментариев нет:

Отправить комментарий