17.07.16

Musavatçı tör-töküntünün şüuraltısı

O gün özünü sağçı-milliyətçi kimi təqdim edən biri şərh yazmışdı ki, Böyük Vətən müharibəsinə azərbaycanlıları zorla aparıblar, vuruşmaq istəmirlərmiş... Digər şərhçilərin təəccübünə isə "qocalardan soruşun" dedi.
Hansı qocalardan? Şəxsən mənim əcdadlarım vuruşub, heç kim də onları cəbhəyə zorla aparmayıb. Mən heç bir qocadan belə bir şey eşitməmişəm. Ola bilsin ki, onun öz əcdadları müharibədən boyun qaçırmaq istəyirlərmiş, və hesab edirlər ki, Şura hökuməti onlara zor tətbiq edib... Yəni qocadan qocaya fərq var. Heç kim gizlətmir ki, sovet insanları eyni olmayıb, aralarında Şura hökumətini, sovet sosializmini sevməyən, qoxaq olan, xain adamlar olub... Burda qeyri-adi nə var ki!? Azərbaycanda musavatçılar, ailələri, övladları da yaşayırdı... Lap elə musavatçı olmayan da xainlik edə bilər. Və yaxud hər musavatçı xainlik etməyib... lakin bütün bu istisnalar azərbaycanlıların Böyük Vətən müharibəsində qəhrəmanlıq etməsinə kölgə sala bilməz. Adam sağçı-milliyyətçidir, amma xalqının tarixini ləkələyir... Azərbaycan xalqına bu qədər ləkə sürtmək ancaq daşnak təbliğatçıların ağlına gələ bilər. Bu, həmin "fars, rus erməni- hamısı türkün düşməni" deyən şizofrendir...
Qocalar lazım deyil, elə orta yaşlı nəsildən 1992-93-də, Əbülfəz Əliyevlə Heydər Əliyevin vaxtında Qarabağ müharibəsinə necə əsgər yığıldığını soruşun. "Oblava" deyilən əməliyyat keçirilirdi, harda gəldi, kimi gəldi tutub soxub avtobusa aparırdılar... "Müstəqil" kapitalist Azərbaycanın tərəfdarı olan birinin gərək dili olmasın Sovet vaxtı azərbaycanlıların müharibəyə necə aparılmasından danışmağa... Abır-həyaları yoxdur deyə çox uzun dilləri var....
Aşağıdakı şəkilləri bir qazax tarixçisinin müsahibəsindən götürmüşəm.
1-ci şəkil 1945-də Tuluzuda çəkilib, Tuluzanın faşistlərdən geri alınması şərəfinə partizanların paradı keçirilir. Öndə gedən partizanlara diqqət edir. Qazax araşdırmaçısı deyir ki, biri qafqazlıdır, digərlərinin arasında "türkestanlılar" (qazax, özbək, türkmən, qırğız və s.) var... Doğrudan da, diqqət etsəniz, solda və sağda addımlayan orta asiyalı partizanlardı. Ortada bayraqla addımlayanlardan biri mənə elə gəlir ki bizimkidir - azərbaycanlı. Qafqazlılardan ən çox bizə bənzəyir. Və ona bayraq götürməyi həvalə ediblər. Bu, öz-özlüyündə böyük şərəfdir.
Həmin bu azərbaycanlını kim idi orada zorla vuruşduran? Fransızların partizan dəstələrində. Orada da Stalinin hərbi komissarlığı vardı? Bu azərbaycanlılardan orada on minlərlə olub.... Hələ o qədər isimsiz qəhrəmanlar var... Bu insanların əməyini, şücayətini "azərbaycanlılar vuruşmaq istəməyib, zorla aparıblar" deyən sağçı-milliyətçi niyə bu qədər ucuzlaşdırır?
Niyəsi budur: adam başqa sağçı-milliyətçilərin bir qismi kimi daxilən faşistdir, xalqımızın övladlarının faşizmə qarşı vuruşmasını həzm edə bilmir, çox istərdi ki, bütün azərbaycanlılar dudərginskilər kimi SSRİ-yə qarşı vuruşsun... Demək istəyir ki, sovet sosializmi o qədər pis quruluş olub ki, xalqımız faşistə qarşı vuruşmaq istəməyib... Yəni? Yəni sovet sosializmi faşizmdən də pis quruluşdu... İnanın, mən bu musavatçı tör-töküntüsünün şüuraltısını oxuyuram. Sağ-liberal düşərgənin yumşaq və ədalətli görsənmək niyyətlərii adətən faşimzi sovet sosializminə, Hitleri Stalinə tay edir, yanı onları bərabərləşdirir...
Aşağıdakı şəkildə isə: əsirlikdəki türkestanlılar... Hansısa səbəbdən əsir düşüblər... Amma faşistlərin tərəfinə keçməyiblər. Qazax araşdırmaçısının sözlərinə görə, türkestanlılara (qazaxlara, özbəklərə və s..) əsirlikdə zülm edirdilər, onları uzun müddət açıq havada, ac, paltarsız, cırıq paltarda saxlayırdılar. Elə qafqazlılara da eyni münasibət göstərilirdi. Əsasən qafqazlılardan və türkestanlılardan ibarət olan 45 minlik əsir düşərgəsində qısa müddətdə 20 min əsir öldürülmüşdü. Sünnətlərini görən kimi yəhudi deyib öldürürdülər... heç nə araşdırmadan. Türkestanlılara "monqol" deyirdilər... Bunu ona görə danışıram ki, çox güman ki, indi Orta Asiya "müstəqil" kapitalist respublikalarda sağçı-milliyətçi kəsim "dədələrimiz faşistlərə qarşı vuruşmaq istəməyib, zorla aparıblar" nağılları danışırlar.... Və onlara inananlar var... Təəssüf ki, manqurt çoxdur.
Fürsətdən istifadə edib Böyük Vətən müharibəsində iştirak etmiş, planeti faşizmdən xilas etmiş əsgərlərimizin, o cümlədən qafqazlı və türkestanlı əsgərlərin qarşısında baş əyək.
İndi kiminsə dədəsi-babası dezertirlik edibsə, faşistlərin tərəfinə keçib, yaxşı payok alıb, yeyib-içib rahat yaşıyıbsa... bu, o demək deyil ki, elə hamı belə olub... Heç kimin xalqın övladlarını öz dədə-babasının əməlləri ilə ölçməsin.

https://www.facebook.com/EcoSocialistsOfAzerbaijan/posts/722727274531680

Комментариев нет:

Отправить комментарий