17.07.2016

Qayıtdıq quldarlığa

Feysbukda paylaşılan ən qalmaqallı fikirlər -41

Ağalar Qut: Maraqlıdır ki, osmanilər Əmir Teymura basılıblar, Şah İsmayılı isə udublar, ancaq buna baxmayaraq, Teymura yox, İsmayıla nifrət edirlər, özü də 500 il keçməsinə baxmayaraq hələ də. Görəsən, nə üçün?
Etibar Qaramanoğlu: Kim deyir ki biz Sovet vaxtı müstəqil deyildik? Biz Sovet vaxtı müstəqil olmuşuq. Bayrağımız, sərhədimiz, himnimiz və birlikdə güclü pulumuz, birlikdə güclü ordumuz var idi. ABŞ yəhudiləri burunlarını bizim işimizə soxa bilmirdilər. Onlar ki donuz burunlarını bizim işimizə soxdular, biz də bu hala düşdük. O şeytanları buralardan qova bilsək, Qafqaz xalqları əmin-amanlıq içində rahat yaşayar. Suriya, İraq onların iç üzüdür. Kimlər ki ABŞ, Qərb tərafdarıdır, baxsın Suriya və İraqa. Allah ABŞ şeytanlarına lənət eləsin!
Elmir Səfəvi: Mən illərdir bunlar haqqında əhaliyə deyirəm, amma heç kim mənə qulaq asmaq istəmir. Türkiyəlilər 25 ildir qızlarımızı daşıyıb fahişə kimi istifadə edirlər, onlardan övladları olur və sonra da iti qovan kimi qovurlar. Bakıya gələn türklər burda təhsil aldığı və ya işlədiyi müddətdə evlənmək adı ilə qızlarımızı özlərinə kölə edir, bicbalaları olur, təhsili və ya iş müddəti qurtarandan sonra isə atıb öz ölkələrinə qayıdırlar. 
Vüqar Aslanov: Stalin kommunistdir! O oğlanlarının ikisini də cəbhəyə göndərib! Dövlətin, xalqın malından bircə qəpik də yeməyib! İki dəst hərbi forma və bir dənə əsgər krovatindan başqa heç bir sərvəti olmayıb! Londonda, Dubayda villası olmayıb! Oğulları, qohumları ölkədə at oynatmayıb! Bu adam dünya müharibəsini udub! Xarabalıq ölkəni bir neçə ilə kosmos ölkəsinə çevirib! Bu adamın xidmətləri sayəsində sənin atan, əmilərin ali təhsil alib! 99 faizi hərf tanımayan ölkəni 100 faiz elmli ölkəyə çevirib! Onun vaxtında bomjlar, küçə uşaqları, işsizlər ordusu olmayıb! Bəs eliyər, yoxsa əlavə eləyim?
Vüqar Məmmədov: Biz kommunizmdə yaşamısıq. Sovet vaxtı qayda-qanun var idi. Hamı sərbəst dolanırdı. Əsgərlikdən gələndən bir ay sonra hökumət adamı zavodda işə düzəldirdi. Fəhlələrə ev- eşik verirdilər. Heç kəsin banka borcu yox idi. Hamı bir-birinə əl tuturdu. 1000 manat verirdi, deyirdi haçan olsa qaytararsan. İndi qardaş qardaşa 100 manat vermir. Hamı qəmgin, hamı dərd-sər içindədir. Qan içən murdarlar xalqa qan uddurur. Qiymətlər günü-gündən qalxır. Polislər narkotikdən pul qazanır. Haram baş alıb gedir. Kimə kimdən şikayət edəsən, o vaxtı Moskvadan qorxurdular. Güllərimiz soldu. Şadlığımız söndü. Günlərimiz qaraldı. Yaşamağa, inkişafa heç bir umid yoxdu, günü gündən pisliyə gedir. 80 faiz demək olar ki sürünür. Biz düzələn deyilik. Müstəqillik bizə düşmədi.
Surət Hüseynov: Sizə bir şey deyim, onu da mütləq yazın. Yazın ki, bunu xalq da bilsin. Vaxtilə hamımız Cəbhəçi olmuşuq. Mən ön cəbhədə olmuşam, vuruşmuşam. Bu Cəbhə hakimiyyətə gələndə mən də demişəm ki, qoy gəlsinlər, cavandırlar, bunlarda demokratik təfəkkür çox inkişaf etmiş olar. Sonradan bunlar elə hərəkətlər elədilər ki, mən özüm indiyədək də onlara etdiyim köməkliyə görə, özümü bağışlaya bilmirəm. Gör kimlərə köməklik etmişəm…
Çoxbilmişlər: Biləcəridə bir mağaza var. Bu tərəfləri tanıyanlar yaxşı bilər. Mağazanın sahibi qaçqındı. İllər əvvəl müharibə başlayanda bacısı və özü xilas olub Bakıya qaça bilsə də, atası öldürülüb, anası isə əsir düşüb. Bakıya qaçdıqdan sonra dayıları (analarının qardaşı) tərəfindən himayə olunan uşaqlar dövlət sayəsində qaçqın adıyla xeyli pul qazanırlar. Dayıları da mağaza açır, işi böyüdürlər. Qardaş və dayı bir yerdə varlanırlar. Və bir gün bir məktub gəlir. Gözlənilməz bir məktub. Möcüzə. Anaları sağdı. Erməni əsirliyində hansısa bir ailədə qul kimi yaşıyır. Məktubda yaşadığı ailənin olduqca kasıb və imkansız olduğunu yazır. Deyilənə görə, əgər min manat pul göndərilsə, qarşılığında qadın sərbəst buraxılacaq. Bizim oğul və qardaş birlikdə oturub düşünürlər və sonunda gəldikləri qərar bu olur ki, o qadın bunlara lazım deyil. Nə də olsa, orda namusu ləkələnib. Bura gəlsə, Biləcəri qəqeşlərinin üzünə necə baxarlar sonra? Və pulu göndərmirlər. Qadınısa bilmirəm, yəqin ki doğduğunu adam bilirmiş, ölənə kimi də gözləmiş olar. Mənim fikrimi soruşsanız, namusu ləkələnən o qadın deyil. Doğduğu oğuldu. Həm də sonradan gələn bir ləkə deyil bu, doğuşdan gələn namussuzluqdu.
Ruslan Əzimzadə: Çox ərəb ölkələrində, çox müsəlmanlarda olmayan qeyrət var Putində. Rəbbim onu qorusun. Neçə yüz il sonra bilinəcək Putinin qədri.
Sahib Novruz: Dünyanın heç bir yerində bizim kimi “100 il kölə kimi yaşamaqdansa, 1 gün azad yaşamaq yaxşıdır” şüarını deyə-deyə kölə kimi yaşamağına şükür edən millət yoxdur.
Xəqani Əhli-beyt Aşiqi: Hələ də anlamirlar, türkdən başqa zibil xalq yoxdur, onlar üzdən dost, içdən düşməndirlər. Buna əmin olun, bəzi qeyrətliləri çıxmaq şərti ilə türklər müsəlmanlar üçün bir təhlükədir. Onların köməyi istədiyini əldə edənə qədərdir. Belə getsə, vəziyyət pisləşəcək. Allah bu xalqı qorusun.
Nizami Məmmədov: Dünyanı məhv eləməyə çalışan anqlosaks maraqlarıdır.
Samir Rimas: Ruslar gəlmələrin- erməni, özbək, tacik, azərbaycanlı, moldovan və başqalarının bu qədər özbaşınalığına necə dözür, məətələm. Biz burda öz millətimizdən olan bəzi gəlmələrə dözə bilmirik hələ.
Təranə Əliyeva: 70 il sovet öyrətdi, çalışdı ki alim olaq. Amma 25 ildə adam olmağımızı unutduq!.. Qayıtdıq quldarlığa.
Fərhad Həsənzadə: Sovet vaxtı osetrin 3 manata idi, bilgə balığı 1,5 manata idi, uzun burun (sevryuqa) 3-5 manata (kababı pors 3 manat idi). Qara nərə kürüsünü mən 8 manatdan (optovoy 20 kq), 25 manata (kilo ilə) alardım. Soyuducuda qalıb xarab olurdu, çünki heç kim məndən başqa yemirdi murdar balığı da, kürüsünü də. Aparıb Moskvada, Tiflisdə 100 manata optovoy verərdim. İndi gedin 0,5 kq alın, görüm başınızdan necə tüstü çıxır).
Səttar Məmmədov: Biləsuvar Puşkin, Beyləqan Jdanov, Gəncə Kirovabad olanda oralar daha yaxşı yaşayırdı, zavod-fabriklər vardı, hamı işləyib dolanırdı. Milli olandan sonra oralarda gənclər ya Bakıya, ya Rusiyaya axışıb, qocalar isə qırılıb qurtarıb.
Mətləb Dadaşov: Elçibəy hakimiyyətə gələn kimi vaxtı ilə siyasi baxışlarına görə həbs olunduğu zaman həbsxanada Astaralı Dədə ləqəbli talışla kritik şəxsi münasibətləri üzündən, ondan qisas almaq qərarına gəlmişdi. Sabiq DİN-i İskəndər Həmidova əmr verib, qoşun hissələri ilə Astarada yaşayan Dədənin evinə hücum təşkil etdi. Dədənin evi mühasirəyə alındıqdan sonra qumbara atanlarla evi atəşə tutub, yerlə yeksan edildi. Evin içində iki İran vətəndaşı olmaqla azyaşlı bir uğaq da güllələnib məhv edildi. Həmin vaxtda isə Astaranın igid oğulları Qarabağda, eləcə də İsgəndər Həmidovun doğulduğu Kəlbəcəri erməni qəsbkarlarından müdafiə edirdilər. Astara əməliyyatını “uğurla” başa çatdırandan sonra qoşun hissələri Lənkəran, Masallı və Cəlilabada yönəldildi. Bu rayonlarda maddi imkanı yaxşı olan insanların eviləri qarət edildi, üz qoyuldu paytaxt Bakıya tərəf. Bu “varvar” olaylar barədə ölkə mətbuatı bu günə kimi bir kəlmə də yazmadı.
Həmzə Hüseyni: Türkiyədə partlayış olandan sonra türk taksiləri aeroportdan uzaqlaşmaq istəyənlərə 100-200 dollar qiymət oxuyub. Üstəlik turist görəndə, öz ölkəsinin vətəndaşını ciddiyə almayıb, turistə tərəf qaçıb. Parisdə isə terror hadisəsi olanda Fransa taksiləri insanları pulsuz hadisə yerindən uzaqlaşdırırdı.
Hacı Qüdsi: Para türkün namusudur- 82-ci il çevrilişinden sonra Turqutun gətirdiyi şüar.
Sabir Şindani: Əbülfeyz bəyə rəhmətlik ikiqat düşür. Şuşa, Xankəndi, Qarabağ, ətraf rayonları çox gözəl şəkildə “əldən verdi” öz komandası ilə. Biz ki onlardan bu torpaqları soruşmuruq, heç soruşanlara da oxşamırıq. Veriblər, veriblər də, necə veriblər belə də alacaqlar, hesab edin ki, kirayəyə verdilər, əvəzində dividendlər qazandılar.
Rəhim Həsənli: Buddizimin banisi Siddharta Qautama bir əncir ağacının altında oturaraq 49 günlük meditasiyadan sonra nurlanır və Buddaya çevrilir. Biz nəinki 49 dəqiqə, hətta 49 saniyə əncir ağacının altında otursaq, ağcaqanadlar nəinki bədənimizi, hətta ruhumuzu da fəth edər.
Qoşqar Əhmədov: Nəsə Azərbaycan mətbuatı Yaxın Şərqdə Rusiyanın uğurlu antiterror əməliyyatlarından yazmır. Amma vahhabilər bir məhəllə tutan kimi car çəkirlər. “İŞİD İraqda, Suriyada filan yeri aldı, Əsəd rejimi əsgərləri filan qədər itki verdi, filan neft yatağı tutuldu”... Elə bil vahhabilərdə qəsdən ruh yüksəkliyi oyadır bizim mətbuat.
Gamlo Ali: Azərbaycanı ancaq Türkiyəni sevmək vasitəsi ilə sevə bilərsən, Qarabağı ancaq Türkiyənin yardımı ilə istəyə bilərsən, Azərbaycanın inkişafını ancaq Türkiyənin inkişafı ilə istəyə bilərsən. Türkiyə, Türkiyə və yalnız Türkiyəni sevərək Azərbaycan vətənpərvəri sayılırsan. Qarabağda 10 il döyüşsən də, vuruşsan da, əlil olsan da Türkiyəni sevməsən, tənqid eləsən, sən Azərbaycan düşmənisən! Olimpiya çempionu olub Azərbaycan bayrağını qaldırsan da, Türkiyəsiz sayılmır. Türkiyənin pis işinə sus. Səhv eləsə də düz eləsə də biz onu dəstəkləməliyik. Səhv işinə, cinayətinə ən azından susub durmalıyıq. Budur Azərbaycan millətçi türkçülüyünün pis gizlədilmiş mahiyyəti. Azərbaycan bunların beyinlərində Türkiyənin əyalətidir.
Martin Lüter: Eşitmişəm apteklərdən ucuz ağrıkəsici dərmanlar yığışdırılır. Bu mənzərəni canlı seyr etmək üçün neçə il gözləmişəm, axır ki bu baş verdi... Bu ucuz, hamının əliçatan dərmanlar Rusiyanın ideyası idi. Rus gedibsə, onun ideyası yaşamamalıdır. Necə ki bunu hər yerdə müşahidə edirik. Ucuz kitab, ucuz dərman, ucuz siqaret, pulsuz ev, ucuz kommunal xərclər (qiymətlər hələ ki qalxmayıb, amma qalxacaq), ucuz xoşbəxtlik, ucuz Moskva...
Ağababa İbrahimov: Bilirsinizmi kimlələr reklam edilirlər? Ara müğənniləri, yalançı jurnalistləri və “hüquq müdafiəçiləri” adı ilə milləti satanları... Sizcə niyə?
Aydın Hüseyni: Amerikanı sevənlərə deyin ki, Amerika əsgərləri İraqda Fəllucəyə girəndə qız-gəlinləri zorlayr, anaların gözü qabağında gənc övladları öldürür, insanlığın qəbul etmədiyi nə varsa edirdilər. Amerika sevənlərə deyin ki, İran və Livan Hizbullahı Suriyada, İraqda ona görə ABŞ, İzrail, Səud və Türkiyənin qurduğu planı pozub kafir sələfiləri öldürərək qəsb edilmiş torpaqlardan çıxarır ki, onlar daha sonra İrana, Bəhreynə, Azərbaycana və digər Şiə yaşayan ölkələrə hücum edib hökmranlıq etməsinlər. Amerika sevənlərə deyin ki, bütün davalar Şiəliyə qarşıdır. Amerika sevənlərə deyin ki, Hizbullahın tək Livanda deyil, İran inqilabından sonra bütün dünyada toxumu əkilib. Və Amerika sevənlərə deyin ki, Biz də Onlardanıq!

Комментариев нет:

Отправить комментарий