21.07.16

Türkiyədə Antiamerikan Hərəkatı yaradıldı

Türkiyədə baş verən son hadisələrdən sonra Gənclər Birliyi adlı milli antiamerikan qrupu daha aktiv şəkildə fəaliyyətə keçmişdir. 2006-cı ildə yaradılmış Birliyin sıralarına Türkiyənin müxtəlif şəhərlərində kütləvi axın olmuş və təşkilat artıq gənclər hərəkatı halına gəlmişdir. Hərəkat üzvləri Türkiyənin üzləşdiyi bütün problemlərin səbəbkarı kimi məhz ABŞ-ı görürlər. Onlar Türkiyənin Avropa İttifaqına girməsinə qarşı çıxır və Qərbi əsas düşmən hesab edirlər.
Hərəkat üzvləri Türkiyənin böyük şəhərlərində ABŞ-a qarşı aksiyalar keçirməkdədirlər. Artıq bir çox yerlərdə Amerika vətəndaşlarına fiziki xəsarətlər yetirilməsi qeydə alınmışdır. Əsasən Türkiyədəki hərbi bazalarda qulluq edən amerikan hərbçiləri hərəkat üzvlərinin hücumlarına məruz qalmışlar. Aktivistlər ələ keçirdikləri ABŞ hərbçilərinin başına kisə keçirir və küçələrdə "Yankilər, rədd olun!" şüarları səsləndirirlər.
Hərəkatın rəhbəri Çağdaş Cengiz bildirmişdir ki, əhalinin amerikanlara nifrətinə səbəb Türkiyədə çevriliş etmək cəhdi olmuşdur. Onun fikrincə, "ABŞ-ın bu əməliyyatda məqsədi Türkiyəni parçalamaq idi".

Комментариев нет:

Отправить комментарий