Coğrafiya yadırğadığında

Ramin Cabbarlı

Kazablanka saatı,
Ankara saatı,
Təbriz saatı,
Bomba saatı,
Hansı saat əqrəbəsindən sallanmağın nə fərqi var ki,
Sənliliyin zamanı bitdiyində!?
Saat, neçə olursa olsun,
Zaman, nəyi qovursa qovsun . . .
Günəş ili,
Ay ili,
Dinçi ili,
Ateist ili,
Bir soru sora bilərəmmi!?

Unutdum illəri,
1300- neçənci günəşsizliyidir günəş ilinin?
Bu Arazsız şəhərlərdə günəş sancısı yox ki, gəbələrin . . .
Sən demə, Günəş də cebdən düşürmüş,
Coğrafiya yadırğadığında
sağ- solun unudulduğu kimi . . .

nə fərq edər hansı il olsun,
hansı saat?
Günəş ilində,
günəşsizlik yaşanırsa,
Bu anda,
sənsizlik...