Bunu Mia.az-a Ədalət Əsədov deyib. Onun sözlərinə görə, qeyd edilən fakt "Azəriqaz" İstehsalat Birliyi ücün xeyir gətirən amillərdən biri olduğundan, qurum bununla bağlı əhalini məlumatlandırmayıb: "Məlumat üçün deyim ki, mexaniki tipli qaz sayğacları qaz sərfini qeyd edən diafraqmalı qollardan ibarətdir. Uzun müddət işləyəndə həmin qollar kauçuk olduğundan yeyilir və bundan sonra qaz sərfini düzgün qeyd etmir. Ancaq "Azəriqaz" İB-nin rəhbərliyi bunu bildiyi halda, əhalini məlumatlandırmırlar. Bununla da dövlət standartlarını, o cümlədən "Qaz təchizatı haqqında" Azərbaycan Respublikası qanunlarını kobudcasina pozurlar".
Ədalət Əsədov qazdan istifadə edən abonentlərdən xahiş edir ki, istifadə etdikləri qaz sayğacının istehsal tarixinə xüsusi diqqət eləsinlər: "Qaz sayğacının göstərici mexanizminin içərisində istehsal tarixi (Yazıya əlavə edilən fotoda ox işarəsiylə istehsal tarixi harada qeyd olunursa, göstərilib - Mia.az) yazılıb. Əgər istehsal olunan tarix 5 ili keçibsə, yerli qaz istismarı idarəsinə müraciət edib, həmin saygacın dəyişdirilməsini tələb edin...". /mia.az/
Комментариев нет:
Отправить комментарий