Qəzetimizin elektron poçtuna Kəmaləddin Heydərovla Əli Həsənova ciddi zərbə sayıla biləcək iki video göndərilib. Bu videolardan biri “fövqəlnazir”in atası, deputat Fəttah Heydərovla, digər isə Azərbaycan Həmkarlar Ittifaqları Konfederasiyasının rəhbəri, deputat Səttar Mehbalıyevlə bağlıdır.
Əldə etdiyimiz məlumatlara görə, 2012-ci ildə youtube.com-a sosial şəbəkəsinə yerləşdirilən bu videolar başqa redaksiyalara da göndərilib. İki il əvvəl youtube.com-a yerləşdirilən videoların indi gündəmə gətirilməsinin səbəbi var. Məsələ burasındadır ki, həmin videolar nurçulara bağlı olan “Çağ” Öyrətim İşlətmələrinin 20 illiyi ilə bağlı tədbirdə çəkilib. Fəttah Heydərov və Səttar Mehbalıyev da həmin tədbirdə iştirak edib və “Çağ” Öyrətim Işlətmələri barədə yüksək fikirlər səsləndirib. Görünür, bu videoları media quruluşlarına göndərən qrup Fəttah Heydərovla Səttar Mehbalıyevin də nurçulara bağlı olması barədə rəy yaratmağa cəhd edir. Bəs niyə Fəttah Heydərovla Səttar Mehbalıyev hədəf seçilib? Ehtimallara görə, bu, məmurlar barədə “nurlu kompramatlar”a daha çox Kəmaləddin Heydərovla Prezident Administrasiyasının ictimai-siyasi şöbəsinin müdiri Əli Həsənova yaxın media quruluşlarında yer verilməsi ilə bağlıdır. Qeyd edək ki, Səttar Mehbalıyev Əli Həsənovun qudasıdır.
Kəmaləddin Heydərovla Əli Həsənovun nəzarətində olan media hansısa deputatın, məmurun, hökumət təmsilçisinin nurçuların tədbirlərində iştirakını həmin şəxslərin bu şəbəkəyə bağlı olmaları ilə izah edir. Görünür, əks cəbhə də bu hücumlara eyni qaydada cavab verməyi məqsədəuyğun sayır. Yəni hansısa məmurun, deputatın nurçuların tədbirində çıxış etməsi onun bu şəbəkəyə aid olması üçün əsas sayılırsa, o zaman niyə Fəttah Heydərovla Səttar Mehbalıyevin “Çağ” Öyrətim İşlətmələrinin tədbirinə qatılmaları və bu təhsil müəssisəsi barədə yüksək fikirlər səsləndirməsi də onlara qarşı “nurçu” ittihamı sürmək üçün əsas hesab edilməsin?
http://www.azadliq.info/43152.html
Комментариев нет:
Отправить комментарий