Gedək içək

Aqşin Yenisey


Bu sevgim də daşa dəydi
Bəxtəvər daşın başına.


Qarımış göy üzü kimi
Asta-asta qar yağıram
sağ əlim qışın başına.


Daha dostlar da qoclaıb
Mənim Parisim dağılıb
Bütün səfillər yığılıb
Yenə Qavroşun başına.

Bəs o kimdi göydən baxdı
Baxdı...baxdı... yoxa çıxdı.
Bir şimşək də güllə çaxdı
Yağan yağışın başına.


Bu sevgim də daşa dəydi
Daş düşsün daşın başına!