Xosrov Barışan
GÖZLƏYƏN
Diləklərimin gəmisi
Umud sahilində dayanıb
Yelkən açıb sabahlara
Səni gözlür...
ATLARIN YARIŞI...
Saat:...
Bura;
Atların yarış meydanı.
***
Qarışqa;
Əzilmək qorxusunda!
At;
Ağrıdan qurtulsun deyə,
Gərək qaça!
Gərək qaça!
Çapar
Ödülü qazanmaq həyəcanında!
***
Saat:..
Bura;
Atların yarış meydanı.
Və...
TOY!
Gecənin çağ toyudur;
do..onu..ur,
do..onu..ur,
Qarşı nəfəslər!
do..onu..ur,
do..onu..ur,
Qarşı nəfəslər!
Qara göy
Şabaş səpir;
Züyməyin sağlığına!
Ərə zorla verilən
Gəlinin
Həsrəti,çin
Güpsənirəm!
SEVDAMIZIN ŞƏHƏRİ
Sevdamız adlı şəhəri
Ayrılığın qoşunları
Talanladı!!!
Sömürgəçi, pis ayrılıq
Kökümü yox etmədə!
Sevdamız adlı şəhərin
Dəyişdiribdir adını
Adın qoyub
Düş şəhəri!!!
Amma mən
Adıvı şeirimdə
Ölünməz edəcəyəm...
QƏRİB AXTARIŞ
Nə qərib axtarışdır!
Cansız dirilər şəhrində;
Tekrarın tekrarında;
Özümün ilkində;
Sonumu axtarıram.
Hayandayam!?...
Bu gecə ağladım
O gözlərin ulduz senində
Bağıran həsrətlərin mahnısına.
Və boğuldum
O baxışların
Mavi dərinliyində.
Bu gecə ağladım
O əllərin
Göv-göv
Tikanlı yamaclarında
Bir ətirli çiçəyin ovuca sığınıb
İyləmək arzısına.
Bu gecə ağladım
Qamçıyla açılan ovuclara
Və dilədim
Pul-paranın çirkin gəmirən dişlərin də
Kəlbətin görməyini.
Bu gecə ağladım
Tikanlı kələfçəsin yaşayışın
Umud qoxuyan ayaqlarla
Əzənlərə.
Bu gecə ağladım
Cırıq, yırtıq paltarların
Soyuq, şaxtanın üstünə
Çomaq götürmələrinə.
Bu gecə
Olu ki
Qaqqıldadım
Çıraqqaların xoş yuxusuna.
Yo..ox...
Yo..x...
Yanlış.
Bu gecə yalnız ağladım
Bir kiçik saqqız satan uşağa
Şəhərin kölgəsinin qorxusunda
Ki pulun saymağını başarmayır!!!
Bu gecə ağladım
Gələcəyə...
Bu gecə ağladım
Bütün körpələrin vərinə
Uşaqların hammısına.
Bu gecə ağladım...
Ağladım...
Ağladım...
Göylər də ağladı.
Özü haqqında: Xosrov Solh Konəndə Sərdəri 1983-üncü ildə Təbriz şəhərində dünyaya göz açdı. Onun şeirlərinin çoxu sərbəst, iki beytli, qəzəl qalıbındadırlar. Ancaq şair hər üç qalıbda da yenilik yaratmağa çalışır. Xosrov öz təxəllüs adını Barışan seçibdir. Bu ad öz soy adının Türkcə anlamıdır. O bilimyurdunda oxuyan illərdə Aşina adlı derginin ədəbi başyazarlığını üstələnmişdi. Ayrica iki şeir özəl sayısı dərgisinin (Şəm-i xəyal adlı) başyazarlığını da üstələnmişdi. Şeirdən əlavə, Barışan hekayə yazmağa da maraqlı birisidir. Elektron ünvanı: barishan1983@yahoo.com, barisan@box.az
Комментариев нет:
Отправить комментарий