Alman komandanlığı yəhudi quldurlar dəstələrinə toxunmurdu və barmaqarası baxırdı, çünki bu dəstələr almanlara qarşı mübarizə aparmırdılar. Yəhudi bandaları alman əsgərlərinə toxunmayaraq yan keçsələr də, slavyan kəndlərinə mütəmadi basqınlar edir, özü də bu aksiyalar zamanı həddən artıq qəddarlıq nümayiş etdirirdilər. “Adam öldürmək siqaret çəkmək kimi adi bir şey idi”- həmin dövrü xatırlayan İçke Reznik adlı yəhudi qulduru xatırlayırdı. Sənədlərdən aydın olur ki, içlərində qadınların da çox olduğu yəhudi dəstələrinin hücumlarından Novoqrud voyevodalığının əhalisi ac-yalavac hala düşmüşdü. İzrail Lapidusun bandasından olan yəhudilər 14 aprel 1943-cü ildə Belorusiyanın Drajno kəndində qırğın törətmişdi. Onlar hətta körpələrə və qızlara rəhm etməyərək bıçaqla deşik-deşik etmiş, uşaqları tonqala atıb yandırmışdılar. Qızlardan biri komsomol biletini çıxarıb göstərərək rəhm diləsə də, dəstə komandiri onu alnından güllələmişdi. Maraqlıdır ki, 25-ə yaxın kənd sakinini öldürən və 37 evi yandıran quldurlar almanlara işləyən polisayların birinə də toxunmamışdılar. 29 yanvar 1944-cü ildə yəhudi quldurları Litvanın Kanyukay kəndinə basqın edərək içlərində 22 uşaq olmaqla 46 nəfəri öldürmüşdülər, 22 evi yandırmışdılar. Həmin hadisə Litva partizanlarının hiddətinə səbəb olmuşdu.