Tural Balabəylidən yeni şeirlər

Unutdum

Son məktubunu aldım

“məni unut...”

səni unutmaq istədim

şərabla...

unutdum- özümü.

Məktub

Bilmirəm necə başlayım ki,

nə sən üzüləsən,

nə də mən.

Bəlkə də yazdıqlarım

sənin üçün çox gülməlidi.

Bunu yaza-yaza

bu günə qədər

yaşadığımız

hər şey yada düşür.

Sevgimiz çox qısa olsa da

mən səni sevdim,

üzüntülərlə sevdim.


***

Səni sən olduğun üçün sevmişdim.

Bəs sən?

Sevginin

dar ağacıdı

ayrılıqlar

                              Tural Balabəyli