Kəndlərdə də sürətli internet olacaq

Masallı Telekommunikasiya Qovşağının informasiya üzrə mühəndisi Afiq Ağayevin əməkdaşımıza verdiyi məlumata görə, artıq Masallı rayonunun kəndlərində də sürətli internetdən istifadə edilməyə başlanmışdır.
Hazırda 63 saylı (Bura Bədalan Ərazi Vahidinə daxil kəndlər – Bədəlan, Dəmirçi, Çayqıraq) və 68 saylı (Bura Bordigah qəsəbə ərazi vahidinə daxil kəndlər – Boradigah, Babaser, Molloba, Türkoba Ərazi Vahidinə daxil – Türkoba, Qəzvinoba və Şatıroba kəndləri daxildir) ATS-lərdə DSLAM tipli avadanlıqlar qurulmuş və bu ATS-lərin hər birində hələlik 9 abonent sürətli internetdən istifadə etmək imkanı qazanmışdır. Tələbata uyğun olaraq istənilən qədər abonent üçün bu texniki imkanı yaratmaq mümkündür. Yaxın vaxtlarda Masallının Mahmudavar, Qızılavar, eləcə də, Şərəfə, Çaxırlı, Köhnə Alvadı və sair kəndlərdə də belə avadanlıqlar quraşdırılacaq.
Qəsəbə və kəndlərdə sürətli internetdən istifadə etmək istəyənlər Masallı Telekommunikasiya Qovşağına ərizə ilə müraciət etməli, 5 manat qoşulma haqqı ödəməli, 30, yaxud 40 manata modem almalı və internetin sürətinə uyğun aylıq abunə haqqı ödəməlidir. Qiymətlər isə aşağıdakı kimidir:
256 KBS 10 AZN
512 KBS 15 AZN
1024 KBS 20 AZN
2046 KBS 30 AZN
Qeyd: Məbləğdən asılı olaraq sürəti 20 KBS-ə qədər yüksəltmək mümkündür.
Ərkivan qəsəbə sakinləri isə sürətli internetdən bir qədər gec faydalanacaqlar. Belə ki, Masallı Telekommunikasiya Qovşağının yeni binası istifadəyə verilən zaman (Təxminin 2012-ci ilin əvvəllərinə) burada daha müasir avadanlıqlar quraşdırılacaq və Ərkivan qəsəbəsindəki abonentlər Masallı şəhərindəki abonentlərlə birgə NGN sisteminə qoşulacaq. Hansı ki, bu texnologiyadan ölkəmizdə cəmi bir neçə rayon istifadə edir. Həmin texnologiya telefon xətti üzərindən nəinki sürətli, geniş zolaqlı internetə girməyə imkan verəcək, eləcə də, ev telefonları vasitəsi ilə kabel televiziyasına baxmaq, bu telefonlar da ZəngimSELL xidmətindən faydalanmaq imkanı qazanacaqlar.
2012-ci ilin sonuna kimi isə Masallı rayonunun bütün ərazisində sürətli internetdən istifadə etmək imkanı olacaq.
Hazırda Masallıda 34 mindən artıq abonent var. Masallı Telekommunikasiya Qovşağının yeni binası istifadəyə veriləndən sonra isə telefon nömrələrinin sayını tələbata uyğun olaraq istənilən qədər artırmaq olacaq. 


http://www.cenubxeberleri.com/