13.05.2011

Zahir Əzəmətin talışca şeirləri

                                                  TOLIŞƏ MƏHOL

Kəfşənış behişte, vişonış nəğıl,                        
Osmoni-rismoni ranq bandonədəy.                    
Astovon har şanqo mahne handedən,
Ovşumi rüşinə çanq bandonədəy.             
                         
Dıyo həzo sore sə jəydə ıyo,
Həşi çı bandonkü bə ro dəqındə.    
Roon- çı zəmini boftə tımonin,
Nə odəm oqındə, nə ro oqındə.

Har vıjə çı qıləy honi çəşməye,
Qıləy rüf hıtedə har sıği jiədə.
Diəkə çəşi püri bə ambürə do,
Çımı tarix hıtə çəy rəği jiədə.

                                                 CAYLİ VAMƏDƏ

Az ıştı çəşonkü dənibəvardem,
Iştı çəşonədə bəmardem, dıli.
Az ıştı ğıbonim, az ıştı baxşim,
Bətım dim okardə bəbol-bəboli.

Az ıştı çəşonkü dənibəvardem,
Iştı çəşə qılı- Tolışi nəğıl.
Tı ıştən i vıjəş, cıvoni mardəy,
İ bandı dardı doy, vəşı doy, dəğıl.

Az ıştı çəşonkü dənibəvardem,
Lap joğo zındəmən, çəş ni, otəşe.
Bəştı sə bıqardom, məvit bə diəro,
Im çımı orzüye- tınədə vəşe!

Az ıştı çəşonkü dənibəvardem,
Iştənım pəydo ka ıştı nomədə.
Ay bəştı sardonə insofi ğıbon,
Boy, mıni ənədə cayli vamədə!

Комментариев нет:

Отправить комментарий