Almanların işğal etdikləri ərazilərin çoxunda yəhudilər öz evlərində sakitcə yaşayırdılar, onlara heç kəs toxunmurdu, sadəcə şərt qoyulmuşdu ki, tanınmaqları üçün paltarlarına moqendavid ulduzu işarəsi tiksinlər. Məsələn, Babiy Yar qətliamının əsas şahidlərindən biri sayılan yəhudi qadın Dina Vasserman-Proniçeva işğalın iki ili dövründə Kiyevdə rahat yaşamışdı, kukla teatrında işləmişdi, almanlarla sıx ünsiyyət də qurmuşdu. Drezdendə yaşayan yəhudi professor Viktor Klempererə nasist rejiminin süqut etdiyi axırıncı günə kimi dövlət pensiyası verilmişdi. Sovet quruluşuna qarşı çıxdığına görə SSRİ-dən qovulmuş yəhudi yazıçısı Aleksandr Vaysberq alman işğalı dövründə Polşanın Krakov şəhərində yaşamışdı və ona heç kəs toxunmamışdı. Sovet qoşunları yaxınlaşarkən Vaysberq İngiltərəyə qaçmışdı və orda məskunlaşmışdı. Hətta Berlin uğrunda şiddətli döyüşlər getdiyi zaman 1400 yəhudi şəhərdə rahatca yaşamaqdaydı. Berlində böyük yəhudi xəstəxanası vardı ki, Sovet əsgərləri şəhəri tutanda bu xəstəxanada müalicə alan 800 yəhudi xəstəsi ilə rastlaşaraq məəttəl qalmışdılar.