Osvensim məhbusları arasında çoxlu millətlərin nümayəndələri vardı, amma jurnalistlərin dindirdiyi məhbuslar nədənsə yalnız yəhudi məhbuslar olur. Draqon Şlrma adlı yəhudi bildirir ki, “qaz kameralarına 1500-1700 adamı birdən basırdılar, onları 15-20 dəqiqə ərzində öldürüb məhv edirdilər”. Nürnberq məhkəməsinə almanların qaz kamerasından istifadə etməsi barədə heç bir sənəd və fotolar təqdim olunmadı, bütün “dəlillər” məhkəmədən sonra meydana çıxdı. Əgər belə faktlar vardısa, həmin qaz kameralarının konstruktorları, eləcə də həbsxanaya qaz verən firmalar da məhkəmə qarşısında cavab verməliydilər. Silahlandırma naziri Albert Şpeerə də qaz kameraları ilə bağlı heç bir sual verilmədi. Beləcə heç bir əsas olmaya-olmaya sionist təbliğatçılar Osvensim həbsxanasında milyonlarla yəhudinin öldürülməsi barədə mif yaratdılar. Hal-hazırda Xolokost tarixini araşdıran alimlərin böyük qismi yəhudilərdən sabun düzəldilməsini müharibə dövrünün folkloru hesab edirlər. Uolter Laker, Qita Serena, Debora Lipştadt, Yequda Bauer, Şmuel Krakovski kimi tarixçilər sabun yalanının iç üzünü açmışlar. Amma yəhudi piyindən sabunlar və yəhudi dərisindən abajurlar haqqında mif bir çox insanların şüurunda özünə möhkəm yer eləmişdir. İsraildə Xolokost qurbanlarının xatirəsinə şam yandırarkən yanına öldürülmüş yəhudilərin bədənindən xammal hazırlanmasının simvolu kimi sabun da qoyurlar.