İSRAİL İKİ HƏMAS DEPUTATINI HƏBS EDİB

İsrail rejimi son 48 saat ərzində İordan çayının qərb sahilində ikinci Həmas deputatını evindən aparıb

FaktXeber.com-un "Fələstin" informasiya mərkəzinə istinadən verdiyi məlumata görə, İsrail rejiminin əsgərləri İordan çayının qərb sahilində yerləşən Əl-Xəlil qəsəbəsində, daha bir Həmas təşkilatından olan millət vəkilinin evinə silahlı hücum edib. Fələstin parlamentinin üzvü İssa Hari Əl-Cabarinin evinə daxil olan əsgərlər, onu naməlum istiqamətə aparıblar. Qeyd edək ki, dünən səhər Həmaslı millət vəkillərindən Əli Salim Romanin də, Əriha qəsəbəsindəki evində həbs olunmuşdu. İsrail əsgərləri tərəfindən həbs olunan Əl-Cabari, 14 aylıq məhbus həyatından sonra, 2010-cu ilin mart ayında sərbəst buraxılmışdı. Xatırladaq ki, Fələstində Fəth və Həmas təşkilarlarının birləşməsi və ölkəni idarə edəcək şəxsin hər iki tərəfdən qəbul olunacağı, İsrail rejimini qorxuya salıb. Rəsmi Təl-Əviv Fələstində təşkilatlar arasında imzalanan razılaşmanı pozmaq üçün, öldürməklə təhdid etməkdən tutmuş, deputatların həbs olunmasına kimi bütün variantlardan istifadə edir ki, Fəth və Həması bir-birinə düşmən etsin.