ƏN ÇOX ŞİKAYƏT OLUNAN SERİALLAR

Serialların bəzi bölümlərində həddən artıq sevişmə səhnələrinin yer alması və qeyri-qanuni əlaqələr, izləyicilər tərəfindən pis qəbul olunur

FaktXeber.com-un verdiyi məlumata görə, Türkiyə telekanallarında yayımlnan teleseriallar, həm ölkədə, həm də xaricdə izləyicilər tərəfindən narazılıqla qarşılanır. Serialların bəzi bölümlərində həddən artıq sevişmə səhnələrinin yer alması və qeyri-qanuni əlaqələr, izləyicilər tərəfindən pis qəbul olunur. Bu barədə ictimaiyyətə Türkiyə Dövlət Radio və Televiziya İdarəsinin rəhbəri Davut Dursun, məlumat verib. Onun sözlərinə görə, son zamanlar çəkilən seriallar texniki baxımdan yüksək keyfiyyətdə hazırlanır, ancaq bunu serialların məzmunu barədə demək olmaz. Qeyd edək ki, Əhmət Dursun mövzu ilə bağlı bildirib ki: ''Milli və mənəvi dəyərlərimizə zidd olan səhnələr seriallarda səhnələşdirilir. Bu isə həm dövlət, həm də izləyicilər tərəfindən etirazla qarşılanır. Qeyri-qanuni əlaqələr bəzi seriallarda heç nə olmamış kimi cəmiyyətə təqdim olunur. Yəni nikahsız həyata və əxlaqsız münasibətlərə bir növ don geyindirilir. Bu isə qəbul edilməzdir".