Əlixan Qaya - Sənə ənam verməyə

HÜSEYN BƏHMƏNNİYANIN DƏFNİ GÜNÜ

Gözlərindən bəlli idi

O müəllim idi

İşıq kimi idi gözləri

Yaşıl bahar idi sözləri

Dünyanın ən yaxşı müəllimi idi

Külək söndürəmməzdi

Su söndürəmməzdi

Gözlərinin işığını

Sən getdin-

Məktəbin dadı qaçdı

Qəbrinin qapısını üzünə kim açdı?

Deyirlər mələklərin yerinə

Səməd qapını açdı

Sənlə öpüşdü

Qəbrin səni qucaqlayıb

Əllərini öpürdü

Mələklər səf çəkmişdilər

Gözlərindən işıq dərməyə

Sənə ənam verməyə

YAZMIŞAM

Sözün kəfəninə büksələr məni

Cəhənnəmin uzaq qərib yerinə

Atsalar məni

Kəfənim cəhənnəmdə od tutub yanmayacaq

Heç rəngi də solmayacaq

Gecənin yarısı dərin sükutda

Mən Tanrının pıçıltısını

Ana dilimdə eşidib

Ana dilimdə yazmışam