DÜNYANIN ƏN SİRLİ ŞƏHƏRLƏRİ

       Əsrlər əvvəl tərk edilmiş olsalar da, hələ də məşhurluqlarını qoruyurlar

FaktXeber.com-un verdiyi məlumata görə, bir vaxtlar əhəmiyyətli mədəniyyətlərin mərkəzi olan bu şəhərlər, əsrlər əvvəl tərk edilmiş olsalar da  zaman keçdikcə  təbiət şərtləri səbəbiylə zərər görsələr də, hələ də məşhurluğunu qoruyurlar. Bir çox macərapərəst arxeoloq və turistin maraq mərkəzi olan bu köhnə şəhərlər ortaya çıxarılmağı gözləyən bir çox sirrlə zamana qarşı müqavimət göstərir. Pompey - İtaliya : 24 Avqust 79 tarixində Vezüv yanardağının partlaması nəticəsində tamamilə yox olan bu antik Roma şəhərinə hər il 2.5 milyondan çox  turist axın edir. Böyük partlayışda baş verən kül və lava qarışığı insanların və əşyalarının üzərini bir örtü kimi örtmüş və oksigenlə əlaqəsini kəsmişdi. Buna görə qalıqlar indiyə  qədər yox olmamış və Köhnə Roma şəhərləri mövzusunda yeni məlumatlara çatılmasını təmin etmişdir. Çiçen İtza -  Meksikanın Yucatan yarımadasında olan bu şəhər e.ə. 500 və 900-cu illər arasında Maya sivilizasiyasının ən əhəmiyyətli məskunlaşma mərkəzi olmuşdur.Dünyanın ən görkəmli piramidalarından biri Əl Castillo (Qala) Meksikanın ən çox ziyarət edilən strukturlarından biridir. Anqkor - Kamboca: Bir zamanlar böyük Xmer imperiyasının paytaxtı olan bu şəhər, Kambocanın tropik meşələrinin içində yerləşir. Dünyanın ən böyük məbədi olan və şəhərə adını verən "Anqkor Vat", ölkənin ən çox turist gələn bölgəsidir. Petra - İordaniya: İordaniyanın Lut gölü ilə Aqaba körfəzi arasındakı ərazidə yerləşir.Aqaba körfəzi isə Qırmızı dənizin ekoloji baxımdan ən təmiz zonasıdır. Machu Picchu - Peru: And dağlarının qollarından birinin zirvəsində, 2.360 m yüksəklikdə, Urubamba vadisinin üzərində qurulmuş qədim şəhər, dünyanın ən əsrarəngiz yerlərindən biridir. Truva (Troy) - Qazıntılar nəticəsində meydana çıxmış qədim şəhərin divarları Qədim yunan dilində Troya (Τροία Troia) və ya İlion (Ίλιον), Latınca Troia veya Ilium. Homer tərəfindən yazıldığı bilinən iki mənzum dastandan biri olan İlyadada adı çəkilən Troya döyüşünün baş verdiyi qədim yer olub bugünkü qədim İda Dağının (Kaz Dağı) ətəklərində Çanaqqala hüdudları daxilində yerləşməkdədir. Məşhur Troya müharibələri Türkiyənin qərbindəki Truva bölgəsində gərçəkləşmişdir. Truvada hal hazırda da taxtadan düzəldilmiş Troya Atının heykəli vardır.