MÜBARƏKİ TƏRƏDDÜDSÜZ ASACAQLAR

                                 Misir diktatoru Mübarəkin edam olunacağı açıqlanıb

FaktXeber.com-un verdiyi məlumata görə, CNN telekanalına ilk reportajını verən yeni ədliyyə naziri Məhəmməd Abdullaziz əl-Cundi Təhrir meydanındakı nümayişçilərə atəş açılması əmrini verdiyinin dəqiqləşməsi halında Mübarəkin edam olunacağını bildirib. Misirdə heç kimin hüquqdan üstün olmadığını vurğulayan Əl-Cundi bildirib ki, "Xalq qiyamında 800 vətəndaşımız həyatını itirib,bu cəzasız qalmayacaq. Əgər cinayət sübut edilsə, hakimlər ölüm cəzası vermək mövzusunda tərəddüd etməyəcək." Ərəb ölkələrinə 5 günlük rəsmi səfərdə olan Misir baş naziri İsam Şərif də "əl-Ahram" qəzetinə verdiyi açıqlamada, "Mübarəkin edamı mövzusunda xarici ölkələrin təzyiqinə boyun əyməyəcəyik. Günahı sübuta yetirilsə cəzası edam olacaq" - deyə bildirib