İrəvanda “Qarabağ klanı”nı məhv etməyə çağırışlar səsləndi

"Bu qarabağlılar gəlib bizi qaçqına çevirdilər"

Ermənistanın Hökumət Evinin qarşısında İrəvanın müxtəlif kvartallarında yaşayan aldadılmış sakinlər etiraz aksiyası keçiriblər.
Bugun.az Virtualaz.org saytına istinadən xəbər verir ki, bu barədə xəbəri erməni mediası yayıb.
Əmiryan küçəsindəki 4/18 nömrəli binada yaşamış qadın şikayətlənib ki, onun əri Qarabağ müharibəsinin iştirakçısı olub, amma indi buna belə məhəl qoymadan onları da küçəyə atıblar. Səbəb də odur ki, baş nazirin müavini Ovik Abramyan bu ərazidə mehmanxana tikdirib:
“Öz evimizdə sakit yaşayırdıq, bu qarabağlılar gəlib bizi qaçqına çevirdilər. Bu ölkə deyil və nə qədər ki, Qarabağ klanı məhv edilməyib, biz elə qaçqın olaraq qalacağıq”.