09.05.2011

NARKOTİCARƏTİN YENİ QURBANLARI AŞKARLANDI

Meksikanın şimalındakı Durango şəhərində 11 apreldən bu yana kütləvi məzarlardan çıxan cəsəd sayı 146-a çatıb



FaktXeber.com-un verdiyi məlumata görə, səlahiyyətlilər, meksikalı əsgərlərin apardıqları qazıntılarda son olaraq kütləvi məzarlardan ikisi qadın olmaqla 25 nəfərin cəsədini çıxardıqlarını, beləcə kütləvi məzarlardan çıxarılan cəsəd sayının 146-a yüksəldiyini söyləyib. Prokurorluqdan verilən açıqlamada, kütləvi məzarlardan çıxarılan 9 cəsəd üzərində aparılan yarılmada, zərərçəkənlərin dördünün boğularaq, birinin isə asılaraq öldürüldüyünün müəyyənləşdirilib.
Qeyd edək ki, son dövrlər Meksikada tez-tez aşkarlanan kütləvi məzarlıqların narkotik ticarətçilərinin işi olduğu düşünülür. Meksika prezidenti Felipe Calderonun 4 il əvvəl narkotik qaçaqmalçılarıyla mübarizə aparmaq üçün minlərlə federal təhlükəsizlik işçisini vəzifələndirməsindən bu yana, ölkədə ən azı 34 min 600 nəfər narkotik ticarətiylə əlaqəli qarşıdurmalarda öldürülüb.

Комментариев нет:

Отправить комментарий