Əsəblərimə toxunursan N.N

Əsəd Qaraqaplan

əsəblərimə toxunursan N.N

o qədər gözəlsən

o qədər uzaqsan N.N

əsəblərimə toxunursan..

sənin qorxun ətrafın qorxusu deyil

məndən uzaq qaçmağın da..

sənin özgürlüyün qadın özgürlüyü

sənin özgürlüyün qadına meyl etməkdi..

kişisindən rahatlana bilməməyin qorxusunu

duymuşdansan

şəhvətli şəhər çağına uymuşdansan..

iki körpə balanı da qatil ana edər əlin

sənin əlin körpə sevgilərin iti xəncəri

sənin əlin kəsib atmaz – yaralar

sən - vurduğun yaraları eşməkdən zövq alan mələk

sən - hər kəsin olmaq istəyən azarı

heç kəsin olmayan çiçək..

əsəblərimə toxunursan N.N

məndən uzaq qaçan hər qadında biraz

biraz daha çoxalırsan hər qadında

biraz daha əsəblərimə toxunursan..

hər gedənin gedişi sən

hər gedənin yolu səndən başlayır

hər gedənə sən əmr etmiş kimisən..

sahiblənə bilmədiyim hər istəkdən sənə gəlləm

Tanrılığım sənə qurban gedir hər görəndə biraz

özüm olmaq bu qədər zorkən başalyır tənhalığım

varlı olmaq istəyirəm səni qazanmaqdan ötrü

atmaq istəyirəm şeirin daşın sənə

sən olmaq istəyirəm adi – sənin olmaqdan ötrü - sən

sənə bir kərə toxunmaq

sənin olmaqdan ötrü - mən..

əsəblərimə toxunursan N.N

biraz daha gözəlləşdikcə biraz

biraz daha uzaqlaşdıqca biraz

əsəblərimə toxunursan..

..ama N.N mən də bir gün çıxıb gedər

sökərəm sinəmdəki sənə aid pərdəni

sərhədləri vurub yıxar

bir ağ günə çıxaram..

qolumdakı qandalları dişimlə gəmirər sökər

sənə də

Bakıya da

bu xaraba ölkəyə də tüpürərəm..

onda mənim vətən sevgim səndən böyük olar N.N

onda sənin əllərinin arxasına yerikləyər göz yaşların

sevişdiyin daş bədənlərdən onda

meyl etdiyin qadınlardan yıxılarsan..

körpələrin böyüdükcə həyat çökər üstünə

itirdiyin günlərin rəsmini çizdikcə əlin

bükük belin

iyli ağzın bənzəməz bu gözəlliyə

onda N.N onda N.N

əsəblərim qaytarmaz əsəblərimin bu halın

yalvarsan da

diz çöksən də

əsəblərimə toxunsan da qaytarmaz..

onda N.N

Tanrılığım sənə qurban getməz hər görəndə biraz..