Biz varıq

İsmayıl Cəmili

Ayırdılar yol yarıya çatmadan
Ayrımçılar yolumuzdan bizləri
Bir düz yolun düzlüyünə varmadan
Əyri yolun bitirdilər özləri

Biz güvəndik düz inama düz yola
Bir baxmadıq tələ quran sağ, sola
Çatdırmadan yolu başa qol-qola
Bizə düşmən gostərdilər bizləri

Alçaqları şişitdilər dağ oldu
Məzarları bəzədilər bağ oldu
Biz qara gün, kömür üzü ağ oldu
Yenə bizi görənmədi gözləri


Düşünmədən yol kimindir atlandıq
Bizə qənim olanlarla yollandıq
Yarı yolda yoldaşlara talandıq
Axtaranda dönümlərdə düzləri

Bir gün başa çatacaqdır ayrılıq
Yubansa da gələcəkdir azadlıq
Bölünsək də talansaqda biz varıq
Kül altında saxlamışıq közləri