Bürhan Heşməti:
-Bəziləri Bakının Tel-Əvivlə yaxınlaşmasının səbəbi olaraq İranın qorxudulmasını göstərir. Bunun heç bir məntiqi əsası yoxdur. Belə bir sual yarana bilər ki, Azərbaycan İranı qorxutmaq istəyirdisə, nə üçün dünyaya meydan oxuyan Amerikaya sığınmadı? Beləcə, yuxarıdakı fərziyyə rədd olunur. Bəzi ekspertlərin təbirincə, Bakı Tel-Əvivin əlində mum kimidir. İsrail Bakını öz mənafelərinə uyğun olaraq istənilən formaya sala bilir. İrandan Azərbaycana qarşı heç bir təhlükə yoxdur. İran Azərbaycanın inkişafını öz inkişafı sayır. Tehran əvvəllər də Azərbaycana qarşı olmadığını əməldə sübuta yetirib. Azərbaycan İrana qarşı ən böhranlı durum yaradanda belə İran iqtidarlı olduğu halda buna reaksiya verməyib.